ජනාධිපති අනුර කුමාර දිසානායක මහතා සහ බන්ධනාගාර නියාමකවරු, ජේලර්වරු ඇතුළු නිලධාරීන් අතර හමුවක් ජනාධිපති කාර්යාලයේදී පවත්වා තිබෙනවා. ඒ බන්ධනාගාර පද්ධතියේ මතුව ඇති ගැටලු සහ එම ගැටලු විසඳා ගැනීමට ගත යුතු කඩිනම් පියවර පිළිබඳ සාකච්ඡා කිරීම සදහායි. පසුගියදා මීගමුව බන්ධනාගාරයේ සිදු වූ සිදුවීම පිළිබඳව ද මෙහිදී විශේෂ අවධානය යොමු කර තිබෙනවා. එවැනි සිදුවීම් යළි ඇති නොවීම සඳහා ගතයුතු පියවර පිළිබඳව ද සාකච්ඡා කර ඇති බව සදහන්.
එමෙන්ම, බන්ධනාගාර නිලධාරීන් මුහුණ දී ඇති ගැටලු සහ ඔවුන්ගේ සුබසාධන කටයුතු පිළිබඳව ද මෙහිදී ජනාධිපතිවරයාගේ විශේෂ අවධානය යොමුව තිබෙනවා. තම ගැටලු ජනාධිපතිවරයෙක් වෙත සෘජුව ඉදිරිපත් කිරීමට අවස්ථාව ලැබුණේ පළමු වරට බවයි මෙහිදී වැඩිදුරටත් බන්ධනාගාර නිලධාරීන් වැඩි දුරටත් පෙන්වා දුන්නේ.
