කොළඹ කුරුණෑගල ප්රධාන මාර්ගයේ තුල්හිරිය ප්රදේශයේදී ත්රීරෝද රථයක් ටිපර් රථයක ගැටීමෙන් අද දින අනතුරක් සිදුව තිබෙනවා.
මෙම අනතුරෙන් එකම පවුලේ පියා, මව සහ පුත්රයා ජීවිතක්ෂයට පත් වී ඇති බවයි පොලිසිය කියා සිටියේ.
මෙලෙස ජීවිතක්ෂයට පත් වූ පිරිස වයස අවුරුදු 40, 39 සහ 13 යන වයස්වල පසුවන අය බවයි වාර්තා වන්නේ.
අනතුර සම්බන්ධයෙන් ටිපර් රථයේ රියදුරු අත්අඩංගුවට ගෙන ඇති අතර අපරික්ෂාකාරී රිය ධාවනය මෙම අනතුරට හේතු වී ඇති බව විමර්ශනයේදී අනාවරණය වී ඇති බව ද පොලිසිය වැඩිදුරටත් සදහන් කළා.
මේ අතර අරලගන්විල දෙහිඅත්තකණ්ඩිය මාර්ගයේ ධාවනය වූ ත්රිරෝද රථයක් මාර්ගයේ නවතා තිබූ යතුරුපැදියක ගැටීමට යාමේදී එය වැළැක්වීමට උත්සහ කිරීම හේතුවෙන් මාර්ගය අයිනේ රැඳී සිටි පුද්ගලයින් දෙදෙනෙකුගේ ශරීරයේ ගැටී අනතුරක් සිදු ව තිබෙනවා.
මෙම අනතුරෙන් බලපතල තුවාල ලැබූ එක් පුද්ගලයෙකු දෙහිඅත්තකණ්ඩිය රෝහලට ඇතුලත් කිරීමෙන් පසු මිය ගිය බවයි පොලිසිය පවසන්නේ.
මේ අතර කහතුඩුව, පොල්ගස්ඕවිට, කොට්ටාව මාර්ගයේදි වෑන් රථයක් ත්රීරෝද රථයක ගැටී ත්රීරෝද රථය පදවාගෙන පැමිණි කාන්තාව ඇතුඵ තවත් කාන්තාවන් සිව් දෙනෙකු සහ ගැහැණු දරුවෙකු තුවාල ලබා වෑතර රෝහලට ඇතුලත් කර තිබෙනවා.
පසුව එම ත්රීරෝද රථයේ ගමන් ගත් කාන්තාවක් මිය ගොස් ඇති බව ද සදහන්.
