අස්වැසුම සුබසාධක ප්‍රතිලාභ වැඩසටහනට පළමු අදියරේ දී අයදුම් කිරීමට නොහැකි වූ පවුල් සදහා යළි කැඳවූ අයැදුම්පත් පිළිබද සංගණන කටයුතු ආරම්භ කර තිබෙනවා.
ඒ සදහා ඉදිරිපත්ව ඇති අයදුම්පත්‍ර ප්‍රමාණය හාර ලක්ෂ පනස් හතර දහස් නමසිය විසි හතරක්.
නුවරඑළිය සහ බදුල්ල යන දිස්ත්‍රික්කවලින් වැඩිම අයදුම්පත් ප්‍රමාණයක් ඉදිරිපත් කර ඇති බවයි සුබසාධක ප්‍රතිලාභ මණ්ඩලයේ සභාපති ජයන්ත විජේරත්න මහතා සදහන් කලේ.
සංගණනය වෙනුවෙන් සෑම අයදුම්පතකම තොරතුරු රැස්කිරීම මෘදුකාංගයක් හරහා සිදුකරනු ලබනවා.
සුබසාධක ප්‍රතිලාභ මණ්ඩලයේ සභාපති ජයන්ත විජේරත්න මහතා පැවසුවේ සෑම ග්‍රාමසේවා වසමක් සඳහාම සංගණන නිලධාරීන් පත්කර ඇති බවයි.
එම නිලධාරීන් නිවෙස් වෙත ගොස් පවුලේ සාමාජිකයන්ගේ තොරතුරු නිරීක්ෂණය කිරිමෙන් අනතුරුව අදාළ තොරතුරු සමාජ ආරක්ෂණ ලේඛනයට ඇතුළත් කිරීම සිදු කරනු ලබනවා.
එම සංගණන ක්‍රියාවලිය නිරීක්ෂණය කිරීම සහ ඇගයීම සඳහා සෑම ප්‍රාදේශීය ලේකම් කාර්යාලයකම සංගණන අධීක්ෂණ නිලධාරියෙකු පත්කර තිබෙනවා.
අස්වැසුම සුබසාධක ප්‍රතිලාභ වැඩසටහනේ දෙවැනි අදියරට අදාළ සංගණනය ජූලි 31 වනදා වන විට අවසන් කිරීමට නියමිතයි.
