නවතම පන්දුවාර විස්සයි 20 හා එක්දින ක්රීඩක ශ්රේණිගත කිරීම් ජාත්යන්තර ක්රිකට් කවුන්සලය විසින් අද(20) නිවේදනය කළා.
ඊට අනුව මුල් 10 දෙනා අතරට පිවිසීමට ශ්රී ලංකා දග පන්දු යවන ක්රීඩක මහීෂ් තීක්ෂණ සමත්ව තිබෙනවා. ඔහු 6 වැනි ස්ථානය දක්වා ස්ථාන හයකින් ඉදිරියට පැමිණ ඇති බවයි අයි.සී.සීය නිවේදනය කළේ.
වනිදු හසරංග 20 වැනි ස්ථානය දක්වා ස්ථාන දෙකකින් ද, ඩිල්ෂාන් මදුෂංක 49 වැනි ස්ථානය දක්වා ස්ථාන 9 කින් ද, දුනිත් වෙල්ලාලගේ සම 57 වැනි ස්ථානය දක්වා ස්ථාන 7 කින් ද පසු බැස තිබෙනවා. කෙසේ වෙතත්, ජෙෆ්රි වැන්ඩර්සේ 72 වැනි ස්ථානය දක්වා ස්ථාන 27 කින් ඉදිරියට පැමිණ තිබීම විශේෂත්වයක්.
මේ අතර, නවසීලන්තය එරෙහි එක්දින තරගාවලියේදී දක්ෂතා දැක් වූ කුසල් මෙන්ඩිස් 26 වැනි ස්ථානය දක්වා ස්ථාන 9 කින් ඉදිරියට පැමිණ තිබෙනවා. අවිශ්ක ප්රනාන්දු ස්ථාන 5 කින් ඉදිරියට පැමිණ ඇති අතර, ඔහු මේ වන විට රැදී සිටින්නේ 62 වැනි ස්ථානයේයි.
