හෝමුස් සමුද්රසන්ධිය ආසන්නයේ ඉරානය පවත්වාගෙන යන අවි ශක්තිය මර්දනය කිරීමේ අරමුණින් යුතුව අඛණ්ඩ හය වැනි දිනටත් අමෙරිකාව දකුණු ඉරානයේ නගර රැසකට ප්රහාර මාලාවක් එල්ල කර තිබෙනවා. එහිදී සිවිල් වැසියන් ජීවත්වන ස්ථාන ඉලක්ක වී ඇති බවයි ඉරානය චෝදනා කරන්නේ. ඉරාන වාර්තාවලට අනුව ප්රහාරවලින් හෝර්මෝස්ගන් කලාපයේ පාලම් 5ක් විනාශ වී තිබෙනවා.
තවද දකුණු ඉරානයේ විදුලි සැපයුම් මධ්යස්ථානයක් ද ප්රහාරයට ලක්ව ඇති අතර, උද්ගතව ඇති අවදානම සලකා විදුලිය අරපිරිමැස්මෙන් භාවිත කරන්න ලෙසයි ඉරාන රජය ජනතාවට දැනුම් දී ඇත්තේ. ඉරානයේ පාලම් සහ විදුලි සැපයුම් ඉලක්ක කරගෙන ලබන සතියේ සිට දැවැන්ත ප්රහාර එල්ල කරන බවට අමෙරිකානු ජනාධිපති ඩොනල්ඩ් ට්රම්ප් පසුගියදා තර්ජනාත්මකව ප්රකාශ කර තිබුණා. මෙවන් පසුබිමක ඉරාන විදෙස් ඇමති අබ්බාස් අරග්චි චෝදනා කරන්නේ සිවිල් යටිතළ පහසුකම් වෙත පහරදීම තුළින් අමෙරිකාව ඉරානය තුළ යුද අපරාධ කරමින් සිටින බවයි.
