ශ්රී ලංකාවට නැගෙනහිරින් බෙංගාල බොක්ක මුහුදු ප්රදේශයේ නිර්මාණය වී ඇති පීඩන අවපාතය අද දිනයේදී සුළි කුණාටුවක් දක්වා වර්ධනය විය හැකිවීමේ අවධානමක් හටගෙන තිබෙනවා.
කාලගුණවිද්යා දෙපාර්තමේන්තුව සදහන් කලේ නිරිත දිග බෙංගාල බොක්ක මුහුද ආශ්රිතව පීඩන අවපාතයක් නිර්මාණය වීමේ ප්රතිඵලයක් ලෙස දින කිහිපයක සිට මෙරට නැගෙනහිර, උතුර, උතුරු-මැද, ඌව සහ දකුණු පළාත්වලට තද වැසි ඇදහැලෙමින් පවතින බවයි.
පීඩන අවපාතය මේ වන විට මඩකලපුවේ සිට කිලෝමීටර් 170ක් සහ ත්රිකුණාමලයට 240ක් පමණ දුරින් ගිනිකොණ දෙසින් පිහිටා ඇති බවයි එම දෙපාර්තමේන්තුව ප්රකාශ කළේ.
මේ අතර අධික වැසි සමග ඇති වූ ආපදාවලින් දිස්ත්රික්ක 10කට බලපෑම් එල්ල වී තිබෙනවා.
ඒ අනුව යාපනය, පුත්තලම, කෑගල්ල, මන්නාරම, කිලිනොච්චිය, රත්නපුර, ගාල්ල, ත්රිකුණාමලය, බදුල්ල සහ මුලතිව් දිස්ත්රික්ක වල ජනතාව මෙලෙස පිඩාවට පත්ව ඇති බවයි ආපදා කළමනාකරණ මධ්යස්ථානය පැවසුවේ.
ආපදාවලින් පීඩාවට පත්ව ඇති පවුල් සංඛ්යාව 15 670ක්.
මේ වනවිට පුද්ගලයන් 77,170ක් අයහපත් කාලගුණයෙන් පීඩාවට පත්ව ඇති බව අපදා කළමනාකරණ මධ්යස්ථානය සදහන් කළා.
