ලියාපදිංචි බලපත්‍ර නොමැතිව වාහන සන්තකයේ තබාගෙන සිටි සැකකරුවන් තිදෙනෙක් බස්නාහිර පළාත උතුර අපරාධ කොට්ඨාසය විසින් අත්අඩංගුවට ගෙන තිබෙනවා.
ව්‍යාජ ලිපි ලේඛන සකස් කර රථ වාහන ජාවාරමේ යෙදුණු සැකකරුවෙකු සම්බන්ධයෙන් බස්නාහිර පළාත උතුර අපරාධ කොට්ඨාසයේ නිලධාරීන් කණ්ඩායමක් විසින් විමර්ශන සිදු කරනු ලැබුවා.
ඒ අනුව එම විමර්ශනයන්ට අදාළව අප්‍රේල් මස 01 වැනිදා මීගහවත්ත හා කඳාන පොලිස් වසම්වලදී ලියාපදිංචි සහතික නොමැතිව වාහන සන්තකයේ තබාගෙන සිටි සැකකරුවන් තිදෙනෙක් කාර් රථ 03ක්, ජීප් රථ 02ක්, ලොරි රථයක් සහ යතුරු පැදියක් සමග අත්අඩංගුවට ගෙන තිබෙනවා.
සැකකරුවන් අවුරුදු 21, 39 සහ 44 යන වයස්වල පසුවන කඳාන හා මීගහවත්ත ප්‍රදේශවල පදිංචිකරුවන් වනවා.
බස්නාහිර පළාත් උතුර අපරාධ කොට්ඨාසය විසින් වැඩිදුර විමර්ශන සිදු කරනු ලබනවා.
