ඩොලරයේ අගය රුපියලට සාපේක්ෂව පහළ යාමත් සමග රට තුළ පැවති විදේශ සංචිත පසුගිය කාලයේ උණ්ඩියල් වැනි ක්රම හරහා රටින් පිටතට රැගෙන ගිය පුද්ලයන් මේ වන විට කඩිනමින් යළි එම විදේශ සංචිත රට තුළට ගෙන ඒම අරඹා ඇතැයි කැබිනට් ප්රකාශක ජනමාධ්ය, මහා මාර්ග හා ප්රවාහන ඇමැති බන්දුල ගුණවර්ධන මහතා පවසනවා.
රුපියලේ අගය ඩොලරයට සාපේක්ෂව පහත වැටෙමින් එක් ඩොලරයක් සඳහා ගෙවිය යුතු රුපියල් ප්රමාණය හාරසියයක පමණ මට්ටමේ තිබියදී ඩොලර් සංචිත විදේශ රටවලට යැවූ පුද්ගලයන් රුපියලේ අගය ඉහළ යෑමත් සමඟ මෙසේ යළි ඒවා රැගෙන ඒමට කටයුතු කරන බවද අමාත්යවරයා පැවසුවා . ඔහු මේ බව සදහන් කලේ අද පැවති කැබිනට් මාධ්ය හමුවේදී .
මේ අතර අමෙරිකානු ඩොලරයට සාපේක්ෂව ශ්රී ලංකා රුපියල තවත් ශක්තිමක් වී තිබෙනවා.
ශ්රී ලංකා මහ බැංකුවට අනුව ඩොලරයේ ගැණුම් මිල රුපියල් 313.77ක් ලෙසත් විකිණුම් මිල රුපියල් 331.05ක් ලෙසත් දැක්වෙනවා.
