නිශ්චිත ආදායම් බදු වගකීම් ඉටු කිරීමට අපොහොසත් වන පුද්ගලයින් හා ආයතනවලට එරෙහිව අපරාධමය නඩු පැවරීමට කටයුතු කරන බව දේශීය ආදායම් දෙපාර්තමේන්තුව පවසනවා. 2026 අංක 11 දරණ දේශීය ආදායම් සංශෝධන පනත මගින් ඒ සඳහා දේශීය ආදායම් කොමසාරිස් ජනරාල්වරයා වෙත බලය හිමිව ඇති බවයි එම දෙපාර්තමේන්තුව පෙන්වා දෙන්නේ. අදාල චෝදනාවට වරදකරු වූවහොත් රුපියල් ලක්ෂ 4ක් නොඉක්මවන දඩයක් මාස 06 ක් නොඉක්මවන සිරදඬුවමක් හෝ දණ්ඩණයන් දෙකම පැනවීමට හැකියාව පවතින බව සඳහන්.
