ඇමෙරිකානු ඩොලර් ලක්ෂ 25 ක සයිබර් සොරකම සිදුව ඇත්තේ මුදල් අමාත්‍යංශයේ පාලන රාමුවේ තිබෙන දුර්වලතා හේතුවෙන් බව ශ්‍රී ලංකා මහ බැංකුව රාජ්‍ය මුදල් කාරක සභාවට ඉදිරිපත් කළ වර්තාවක දැක්වෙනවා. එමෙන්ම අමාත්‍යාංශ නිලධාරීන් සිය රාජකාරි නිසියාකාරයෙන් ඉටු නොකිරීම ද ඊට හේතු වී ඇති බවයි එහි සදහන්ව ඇත්තේ . මුදල් අමාත්‍යාංශය ශ්‍රී ලංකා මහ බැංකුව සම්බන්ධයෙන් කරුණුමය වශයෙන් නිවැරැදි නොවන ප්‍රකාශ කීපයක් සිදුකර තිබෙන බවද එම වාර්තාවේ සටහන්ව තිබෙනවා. මේ සම්බන්ධයෙන් මුදල් අමාත්‍යාංශය පාර්ලිමේන්තුවේ රාජ්‍ය මූල්‍ය පිළිබඳ කාරක සභාවට ඉදිරිපත් කළ වාර්තාවට පිළිතුරු දෙමින් ශ්‍රී ලංකා මහ බැංකුව වාර්තා දෙකක් ඉදිරිපත් කරනු ලබුවා ඉන් එක් වාර්තාවක මෙම තොරතුරු සඳහන් ව තිබෙනවා. හැකර් කණ්ඩායමට, භාණ්ඩගාරයෙන් ඇමෙරිකානු ඩොලර් ලකෂ 25 ක මුදලක් සොරකම් කිරීම සඳහා අවශ්‍ය පසුබිම සකස් වී ඇත්තේ මුදල් අමාත්‍යාංශයේ පැවැති මූලික මෙහෙයුම් සහ පාලන දුර්වලතා හේතුවෙන් බව ද ඒම වාර්තාවේ සදහන්. එසේම මුදල් අමාත්‍යාංශයේ බාහිර ණය ගෙවීම සඳහා තිබෙන ක්‍රියාවලියේ අසාර්ථකත්වයද මෙම සොරකමට අවශ්‍ය පසුබිම සකස් කර ඇතැයි එම වාර්තාවේ දැක්වෙනවා .
