බුලත්සිංහල, උඩුගලකන්ද අමරගෙදර ප්රදේශයේදී වෑන් රථයක් ප්රපාතයකට පෙරළී අද සිදුවූ අනතුරකින් 14 දෙනෙකු තුවාල ලබා රෝහල්ගත කර තිබෙනවා. කර්මාන්ත ශාලාවක් සඳහා සේවකයින් රැගෙන උඩුගලකන්ද ප්රදේශයේ සිට පැමිණි වෑන් රථයක් මෙලෙස අනතුරට ලක්ව ඇති බවයි වාර්තා වන්නේ. තුවාල ලැබූවන්ගෙන් 6 දෙනෙකු හොරණ දිස්ත්රික් රෝහලටත්, 8 දෙනෙකු බුලත්සිංහල ප්රාදේශීය රෝහලටත් ඇතුලත් කර තිබෙනවා. රෝහල්ගත කළ පිරිසෙන් 12 ක් කාන්තාවන් වන අතර, රියදුරු ඇතුළුව තවත් පිරිමි පුද්ගලයින් දෙදෙනෙකුද තුවාල ලැබූවන් අතර සිටින බව සඳහන්. තුවාල ලැබූ පිරිසගේ තත්ත්වයන් බරපතළ නොවන බව පොලිස් ආරංචි මාර්ග සඳහන් කළා.
