අද – හෙට – 26 වැනිදා මෙන්ම දෙසැම්බර් 31 සහ ජනවාරි 01 වනදා විදුලිය කප්පාදු කිරීමක් සිදු නොකරන බව විදුලි බල අමත්යංශය සඳහන් කළා.
කෙසේ වෙතත් අඛණ්ඩව විදුලිය ලබා නොදීමෙන් හා විදුලි ගාස්තු ඉහළ දැමීමෙන් – විදුලි පාරිභෝගිකයින්ගේ මානව හිමිකම් උල්ලංඝනය වීමක් සිදුවන බවයි මානව හිමිකම් කොමිසම නිරීක්ෂණය කර ඇත්තේ.
ඒ අනුව එම ක්ෂේත්රයේ විද්වතුන් කැඳවා පිරිවැය අඩු කළ හැකි ක්රමවේදයන් පිළිබඳ කොමිසමේ නිරීක්ෂණ සහිතව රජයට යෝජනාවලියක් ඉදිරිපත් කිරීමට සැලසුම් කර තිබෙනවා.
මේ අතර, අක්රීය කෙරුණු නොරොච්චෝලේ ගල් අඟුරු බලාගාරයේ දෙවන ජනන යන්ත්රය නඩත්තුවෙන් පසු ජනවාරි 10 වැනිදා යළි ජාතික පද්ධතියට එක් කිරීමට බලාපොරොත්තු වන බව විදුලිබල මණ්ඩලය පවසනවා.
නඩත්තු කටයුත්තක් සඳහා එහි ජනන කටයුතු නවතා දැමීමෙන් මෙගාවොට් 270 ක ධාරිතාවක් ජාතික පද්ධතියට අහිමි වනවා.
විදුලිය පාවිච්චි කරන්නන්ගේ සංගමය ප්රකාශ කළේ මේ හේතුවෙන් දෛනිකව රුපියල් කෝටි පනහක පමණ පාඩුවක් සිදුවන බවයි.
මේ අතර ලබන වසරේදීද විදුලි බලාගාර වසා දැමීමට සිදුවන බව විදුලි බල හා බලශක්ති අමාත්ය කංචන විජේසේකර මහතා පැවසුවා.
