අද දිනයේදී බස්නාහිර, සබරගමුව සහ වයඹ පලාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් වැසි හෝ ගිගුරුම් සහිත වැසි ඇතිවන බව කාලගුණ විද්යා දෙපාර්තමේන්තුව පවසනවා. එහි සඳහන් වන්නේ අද දිනයේ දී ඇතැම් ස්ථාන වලට මිලිමීටර 100 ට වැඩි තද වැසි ඇති විය හැකි බවයි. එමෙන්ම උතුරු මැද පළාතේ සහ මන්නාරම දිස්ත්රික්කයේ වැසිවාර කිහිපයක් ඇතිවිය හැකියි. දිවයිනට ඊශාන දෙසින් බෙංගාල බොක්ක මුහුදු ප්රදේශයේ අන්දමන් ප්රදේශය ආශ්රිතව අඩු පීඩන කලාපයක් නිර්මාණය වී පවතින බවයි එම දෙපාර්තුමේන්තුව පෙනුවා දෙන්නේ. මෙම පද්ධතියේ සෘජු බලපෑමක් ශ්රී ලංකාවට නොමැතිවුවද එම පද්ධතිය වෙත ඇදීයන සුළං ප්රවාහය හේතුවෙන් දිවයිනේ නිරිතදිග ප්රදේශයේ පවතින වැසි තත්ත්වය තවදුරටත් අපේක්ෂා කරන බවද එම නිවේදනයේ දැක්වෙනවා. මේ අතර බෙංගාල බොක්කේ අන්දමන් මුහුදු ප්රදේශය ආශ්රිතව නිර්මාණය වූ අඩු පීඩන කලාපය ඊයේ පස්වරුවේ නැගෙනහිර මධ්යම බෙංගාල බොක්ක සහ යාබද උතුරු අන්දමන් මුහුදු ප්රදේශයේ පිහිටා තිබුණා. එය බටහිරට බරව වයඹ දෙසට ගමන් කර අද දිනයේ දී ක්රමයෙන් නැගෙනහිර මධ්යම බෙංගාල බොක්ක මුහුදු ප්රදේශයේදී පීඩන අවපාතයක් දක්වාත් හෙට දිනයේදී බටහිර මධ්යම බෙංගාල බොක්ක මුහුදු ප්රදේශයේදී ගැඹුරු පීඩන අවපාතයක් දක්වාත් තීව්ර වීමට ඉඩ ඇති බවද සදහන්.
එහි බලපෑම හේතුවෙන් ඉදිරි දින කිහිපය තුළ බෙංගාල බොක්ක හරහා සුළං වේගය වැඩි වන බවද එම දෙපාර්තුමේන්තුව අවධාරණය කළා.
