සමෘද්ධිලාභීන් සඳහා මේ මාසය තුළත් නියමිත පරිදි ප්රතිලාභ හිමිවන බව සමෘද්ධි සංවර්ධන දෙපාර්තමේන්තුව පවසනවා .
එහි අධ්යක්ෂ ජනරාල් බන්දුල තිලකසිරි මහතා සඳහන් කළේ , අස්වැසුම සහනාධාර වැඩපිළිවෙළ ලබන මාසයේ සිට ක්රියාත්මක කිරීමට සැලසුම් කර තිබූ බවයි.
අස්වැසුම සහනාධාර වැඩපිළිවෙළ හරහා සමෘද්ධි ප්රතිලාභය අහිමි වූ පුද්ගලයින්ට ජූලි 10 වැනිදා දක්වා ඒ සඳහා අභියාචනා ඉදිරිපත් කළ හැකියි.
ඒ පිළිබඳ වැඩිදුර තොරතුරු 1924 ක්ෂණික ඇමතුම් අංකය හරහා ලබාගත හැකි වනවා. සඳුදා සිට සිකුරාදා දක්වා උදෑසන 8 ත්, 5 ත් අතර එම අංකයට ඇමතුම් ලබාදිය හැකි බවද සදහන් .
අස්වැසුම වැඩපිළිවෙළ යටතේ මතුව ඇති තත්ත්වය සම්බන්ධයෙන් කරුණු පැහැදිලි කිරීමට සංවර්ධන නිලධාරී සේවා සංගමය ඊයේ පස්වරුවේ මාධ්ය හමුවක් කැඳවා තිබුණා .
මේ අතර අස්වැසුම වැඩසටහන සඳහා සුදුස්සන් තෝරා ගැනීමේ ක්රියාවලියේ දී යම් අඩු පාඩුවක් සිදුව ඇත්නම් එය නිවැරදි කිරීමට රජය වහාම කටයුතු කරන බව ජනාධිපති මාධ්ය අංශය පවසනවා .
ජනාධිපති මාධ්ය අංශය සඳහන් කළේ, දිස්ත්රික් ලේකම්වරුන්, ප්රාදේශීය ලේකම්වරුන් සහ වැඩසටහනට සම්බන්ධ සියලු පාර්ශ්වයන් සමග ඒ පිළිබඳ සාකච්ඡා කිරීමට රජය කටයුතු සැලසුම් කර ඇති බවයි.
මේ ඒ පිළිබදව වැඩිදුරටත් අදහස් පළ කළ සමෘද්ධි සංවර්ධන දෙපාර්තමේන්තුවේ අධ්යක්ෂ ජනරාල් බන්දුල තිලකසිරි මහතා.
අස්වැසුම ප්රතිලාභ ලබා දීම නිසි පරිදි කළමනාකරණය කිරීමකින් තොරව වත්කම් ඇති පුද්ගලයින් පමණක් තෝරාගෙන ඇති බවටයි සංවර්ධන නිලධාරි සේවා සංගමයේ ප්රධාන ලේකම් චන්දන සූරියආරච්චි මහතා කියා සිටියේ.
