තලවතුගොඩ හන්දිය ආසන්නයේ අවන්හලක ඇති වූ ගින්නකින් තුවාල ලබා රෝහල් ගත කරන ලද පුද්ගලයින් තිදෙනෙක් ජීවිතක්ෂයට පත්ව ඇති බව වාර්තා වනවා.
තලවතුගොඩ හන්දිය ආසන්නයේ පිහිටි අවන්හලක අද(09) පෙරවරුවේ ගින්නක් හටගෙන තිබෙනවා.
එහිදී තුවාල ලැබූ පුද්ගලයන් තිදෙනෙක් කොළඹ ජාතික රෝහල වෙත ඇතුළත් කෙරුණු බවයි පොලිසිය පවසන්නේ.
එලෙස එලෙස කොළඹ ජාතික රෝහලට ඇතුළත් කරන ලද තුවාලකරුවන් තිදෙනා ජීවිතක්ෂයට පත්ව ඇති බවයි වාර්තා වන්නේ.
ගෑස් කාන්දුවක් හේතුවෙන් ගින්න හටගන්නට ඇති බවට පොලිසිය සැක පළ කරනවා.
ගින්න මැඩපැවැත්වීම සඳහා කෝට්ටේ මහ නගර සභාවට අයත් ගිනි නිවිමේ රථ තුනක් යොදවනු ලැබුවා.
සිද්ධිය සම්බන්ධයෙන් තලංගම පොලිසිය වැඩිදුර විමර්ශන සිදු කරනු ලබනවා.
