මෙවර අයවැය මගින් වෙන් කළ මූල්ය ප්රතිපාදන යටතේ කෘෂිකර්ම, පශු සම්පත්, ඉඩම් සහ වාරිමාර්ග අමාත්යාංශය ක්රියාත්මක කරන ලද ව්යාපෘතිවල ප්රගතිය විමසා බැලීමේ සාකච්ඡාවක් පවත්වා තිබෙනවා.
ජනාධිපති අනුර කුමාර දිසානායක මහතාගේ ප්රධානත්වයෙන් ජනාධිපති කාර්යාලයේදීයි මෙම සාකච්ඡාව පවත්වා තිබෙනවා.
යාං ඔය, ගල්ඔය සහ මහවැලි ව්යාපෘති මෙන්ම කුඩා වැව් ප්රතිසංස්කරණ කටයුතු ඇතුළුව වාරිමාර්ග ක්ෂේත්රයට අදාළව ආරම්භ කර ඇති ව්යාපෘති පිළිබඳව මෙහිදී දීර්ඝ ලෙස සාකච්ඡා කර ඇති බවයි වාර්තා වුනේ.
මෙවර අයවැය ප්රතිපාදන යොදා ගනිමින් සිදු කෙරෙන ව්යාපෘති පිළිබඳ සමීපව අධ්යයන කරමින් එම ව්යාපෘති කඩිනමින් අවසන් කිරීමට කටයුතු කරන ලෙස ජනාධිපති අනුර කුමාර දිසානායක මහතා මෙහිදී නිලධාරීන්ට උපදෙස් ලබා දී තිබෙනවා.
වාරිමාර්ග ක්ෂේත්රයේ පවතින ගැටලු පිළිබඳවද මෙහිදී අවධානය යොමු කෙරුණු අතර, එම ගැටලුවලට ලබා දිය හැකි විසඳුම් පිළිබඳවද මෙහිදී වැඩි දුරටත් අවධානය යොමු කර තිබෙනවා.
