Author: VNews

ස්පාඤ්ඤයේ පැවැත්වෙන ආරාධිත මලල ක්‍රීඩා තරගාවලියේ මීටර් 800 කාන්තා ඉසව්වට ආසියානු රන් පදක්කම්ලාභී තරුෂි කරුණාරත්න සහභාගී වනවා. ඇය  මෙම තරගාවලියේ  මීටර් 600 ඉසව්ව සඳහා ශ්‍රී ලංකා වේලාවෙන් රාත්‍රී 10.05ට තරග වැදීමට නියමිතයි.

ජාත්‍යන්තර විස්සයි විස්ස ක්‍රිකට් පිටියේ වැඩිම වතාවක් බිංදුවට දැවි ගිය පිතිකරුවාගේ ශ්‍රි ලාංකීය වාර්තාව අලුත් කිරීමට දසුන් ශානකට සිදු වුණා. පසුගිය නෙදර්ලන්ත සහ ශ්‍රී ලංකාව අතර පැවති තරගයේදී ඔහු බිංදුවට දැවී යාම වාර්තා වූයේ ජාත්‍යන්තර විස්සයි විස්ස පිටියේ තමා වාර්තා කල 11 වෙනි බිංදුව ලෙසටයි.

ශ්‍රී ලංකා මහ බැංකුව විසින් නිකුත් කරන ලද දෛනික විනිමය අනුපාතික සටහනට අනුව පසුගිය සතියට සාපේක්ෂව අද  ශ්‍රී ලංකා රුපියල සුළු වශයෙන් අවප්‍රමාණය වී තිබෙනවා එක්සත් ජනපද ඩොලරයේ ගැනුම් මිල රුපියල් 297.50 ලෙසයි සඳහන් වන්නේ.

අලි සංගණනයක් පැවැත්වීමට වනජීවි සංරක්ෂණ දෙපාර්තමේන්තුව තීරණය කර තිබෙනවා ලබන අගෝස්තු 19වනදා සහ 20වනදා මෙම සංගණනය සිදු කිරීමට සැලසුම් කර ඇති අතර, අලි සංගණනයක් සිදුකෙරෙන්නේ වසර 13කට පසුවයි. සෑම වසර 10කට වරක් අලි සංගණනයක් සිදුකරන අතර, අවසන් සංගණනය සිදුකළේ පසුගිය 2011 වර්ශයේදී.

රැකියා විරහිත උපාධිධාරීන්ගේ විරෝධතාවයක් විසුරුවා හැරීමට පොලීසියෙන් ජල ප්‍රහාරයක් එල්ල කර තිබෙනවා. පොල්දූව මංසන්ධියේ දියත උයන අසල විරෝධතාවයේ නිරතව සිටින රැකියා විරහිත උපාධිධාරීන් පිරිසකට මෙම ජල ප්‍රහාරය එල්ල කර තිබෙන බවයි වාර්තා වන්නේ.

ඉතාලියේ පැවැත්වෙන G7 සමුළුවේදී චිනය සම්බන්ධයෙන් දැඩි අවධානයක් යොමුවී තිබෙන බව විදෙස් මාධ්‍ය වාර්තා කරයි. එහිදී යුක්‍රේන යුද්ධය සම්බන්ධයෙන් G7 නායකයින් කළ සාකච්ඡාවලදී චීනයට ද චෝදනා එල්ල වී ඇත. ඒ අනුව රුසියාවට ආයුධ ලබාදීම නවත්වන ලෙස G7 නායකයින් චීනයට පවසා ඇත.

කළුතර, ගමගොඩ ප්‍රදේශයේ ඊයේ  රාත්‍රියේ පැවති සංගීත ප්‍රසංගයක් අතරතුරදී තරුණයෙකුගේ ගෙල කපා ඝාතනයක් සිදුකර ඇති බව කළුතර දකුණ පොලිසිය පවසනවා. මෙසේ ඝාතනයට ලක්ව ඇත්තේ දොඩංගොඩ, ජන උදාන ගම්මානයේ පදිංචිව සිටි මෙනුර නිම්තර වනිගසේකර නැමැති 20 හැවිරිදි තරුණයෙක්. පොලිසිය සඳහන් කළේ මෙම සංගීත ප්‍රසංගයට පැමිණි තරුණයා, ඔහු සේවය කරන ඇඟලුම් කර්මාන්තශාලාවේම සේවය කරන තවත් තරුණියක සමග එහිදී නර්තනයේ යෙදී ඇති අතර, එම තරුණියගේ සැමියා එම ස්ථානයට පැමිණි අවස්ථාවේදී දෙදෙනා අතර බහින්බස් වීමක් සිදුව තිබෙනවා.

2024 T20 ලෝක කුසලාන ක්‍රිකට් තරගාවලියේ අද පැවති 35 වැනි තරගය වූ ඔස්ට්‍රේලියා – ස්කොට්ලන්ත තරගයේ ජය වාර්තා කිරීමට ඔස්ට්‍රේලියාව සමත් වුණා. ඒ ශ්‍රී ලංකා වේලාවෙන් අද උදෑසන 06.00ට Daren Sammy National Cricket Stadium, Gros Islet, St Lucia හිදී ආරම්භ වූ තරගයේ දී කඩුලු 05කින් ස්කොට්ලන්තය පරාජයට පත් කරමින්.

බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් අද වැසි වාර කිහිපයක් ඇතිවිය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, මධ්‍යම කඳුකරයේ බටහිර බෑවුම් ප්‍රදේශවලත්, උතුරු, උතුරු-මැද සහ වයඹ පළාත්වලත් ත්‍රිකුණාමලය, හම්බන්තොට සහ මොනරාගල දිස්ත්‍රික්කවලත් විටින් විට හමන පැ.කි.මී. 40-50ක පමණ තද සුළං ඇතිවිය හැකි බවය. මේ අතර පුත්තලම සිට කොළඹ සහ ගාල්ල හරහා මාතර දක්වා වෙරළට ඔබ්බෙන් වන මුහුදු ප්‍රදේශවල තැනින් තැන වැසි ඇතිවේ.

බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් අද වැසි වාර කිහිපයක් ඇතිවිය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, මධ්‍යම කඳුකරයේ බටහිර බෑවුම් ප්‍රදේශවලත්, උතුරු, උතුරු-මැද සහ වයඹ පළාත්වලත් ත්‍රිකුණාමලය, හම්බන්තොට සහ මොනරාගල දිස්ත්‍රික්කවලත්  විටින් විට හමන පැ.කි.මී. 40-50ක පමණ තද සුළං ඇතිවිය හැකි බවය. මේ අතර පුත්තලම සිට කොළඹ සහ ගාල්ල හරහා මාතර දක්වා වෙරළට ඔබ්බෙන් වන මුහුදු ප්‍රදේශවල  තැනින් තැන වැසි  ඇතිවේ.