Author: Dhanushka

දිට්වා සුළි කුණාටුව හේතුවෙන් ඇති වූ දරුණු ගංවතුර සහ නායයාම් නිසා මෙරට ජනතාවට මුහුණ දීමට සිදු වූ දැඩි ව්‍යසනකාරී තත්ත්වය පිළිබඳ මාලදිවයින් ජනාධිපති ආචාර්ය මොහමද් මුයිසු සිය කණගාටුව පළ කර තිබෙනවා. එමෙන්ම ආපදාවට ලක් වූ ජනතාවට සහන සැලසීමට මෙන්ම ශ්‍රී ලංකාව යළි ගොඩනැගීමේ වැඩපිළිවෙළෙ සදහා සිය උපරිම සහාය ලබා දෙන බවද ඔහු සදහන් කළා. ඊයේ පස්වරුවේ ජනාධිපති අනුර කුමාර දිසානායක මහතා සමග පැවති දුරකථන සංවාදයකදී මාලදිවයින් ජනාධිපතිවරයා මේ බව සඳහන් කර තිබෙනවා. තම සහෝදර රාජ්‍යයක් වන ශ්‍රී ලංකාව කිසිදු අවස්ථාවක තනි නොකරන බවද ආචාර්ය මොහමද් මුයිසු මහතා මෙහිදී වැඩිදුරට අවධාරණය කර ඇති බවයි ජනාධිපති මාධ්‍ය අංශය සදහන් කළේ. සෑම…

ජාත්‍යන්තර ටෙස්ට් ක්‍රිකට් පිටියේ වැඩිම කඩුලු දවාගත් වමත් වේගපන්දු යවන්නා බවට පත්වීමට ඕස්ටේ්‍රලියාවේ මිචෙල් ස්ටාක්ට හැකිව තිබෙනවා. අළු බඳුන තරගාවලියේ බි්‍රස්බේන් හිදී ආරම්භ වූ දෙවන තරගයේදී ඔහු මෙම සුවිශේෂී කඩඉම පසු කළා. ස්ටාක් මෙම තරගයේ මේ වනවිට කඩුලු 4 ක් බිඳහෙළා ඇති අතර ඒ සමග ඔහුගේ ටෙස්ට් කඩුලු සංඛ්‍යාව 416 ක් දක්වා ඉහළ ගොස් තිබෙනවා. මිට පෙර පාකිස්තානයේ වසීම් අක්‍රම් ලෝකයේ වැඩිම ටෙස්ට් කඩුලු දවාගත් වමත් වේගපන්දු යවන්නා බවට පත්ව සිටියා. මෙම වාර්තාවේ තෙවන ස්ථානයේ ශ්‍රී ලංකා ක්‍රීඩක චමින්ද වාස් කඩුලු 355 ක් දවා ගනිමින් පසුවන අතර කඩුළු 317 ක් දවා ගත් නවසීලන්තයේ ට්‍රනේට් බෝල්ට් සිව්වන ස්ථානයේත්, කඩුළු 313 ක්…

යුක්‍රේනයට අයත් ඩොන්බාස් කලාපය කෙසේ හෝ අත්පත් කරගන්නා බවට රුසියානු ජනපති ව්ලැඩිමීර් පුටින් යළිත් වරක් යුක්‍රේනයට අනතුරු අඟවා තිබෙනවා. මේ හේතුවෙන් යුක්‍රේන හමුදා නැගෙනහිර ඩොන්බාස් කලාපයෙන් ඉවත්විය යුතු බවටයි රුසියාව පවසන්නේ. මෙම දිනවල ඉන්දියාවේ සංචාරයක නිතරව සිටින ජනපති පුටීන් එරට පැවති ප්‍රවෘත්ති සාකච්ඡාකට එක්වෙමින් මේ බව ප්‍රකාශ කර තිබෙනවා. එහිදී ඔහු වැඩිදුරටත් පවසා ඇත්තේ, යුක්‍රේනයට එරෙහි යුද්ධය අවසන් කිරීමට අදාළ තමන්ට අවාසිදායක වන සම්මුතීන් ප්‍රතික්ෂේප කරන බවයි. මේ වනවිට ඩොන්බාස් හි සියයට 85 ක පමණ ප්‍රමාණයක් රුසියාව විසින් පාලනය කරන අතර, එහි නැගෙනහිර ප්‍රදේශයේ පමණක් යුක්‍රේනය හමුදා රැඳී සිටිනනවා. කෙසේ නමුත් යුක්‍රේන ජනාධිපති වොලොඩිමියර් සෙලෙන්ස්කි සිය භූමිය අත්හැරීම ප්‍රතික්ෂේප කර…

දුම්රිය වාර ප්‍රවේශපත්‍ර හිමි මගීන්ට එය ඉදිරිපත් කර ලංකා ගමනාගමන මණ්ඩලයට අයත් බස්රථවල ගමන් කිරීමට අවස්ථාව සලසා දී තිබෙනවා. පවතින ආපදා තත්ත්වය සැලකිල්ලට ගනිමින් මෙම තීරණය ගත් බවයි ලංකා ගමනාගමන මණ්ඩලයේ සභාපති සජීව කනකරත්න මහතා පැවසුවේ. කෙසේ වෙතත් ගමනාගමන මණ්ඩලයට අයත් සුඛෝපබෝගී බස් රථ සඳහා මෙම ක්‍රමවේදය වලංගු නොවන බව ද ඔහු වැඩිදුරටත් සදහන් කළා.

හදිසි ආපදා තත්වය හේතුවෙන් විදුලිය අහිමි වූ ලක්ෂ 39 ක පමණ පාරිභෝගික ජනතාවගෙන් සියයට 85 කට පමණ යළි සම්බන්ධතා ලබා දීමට හැකි වූ බව විදුලිබල මණ්ඩලය පවසනවා. එහි නියෝජ්‍ය සාමාන්‍යාධිකාරී නොයෙල් ප්‍රියන්ත මහතා සදහන් කළේ ඇති වු හදිසි ආපදා තත්වය තුළ ට්‍රාන්ස්ෆෝමර් 16,771 ක් අක්‍රිය වු අතර එයින් 14,549 ක් යළි ක්‍රියාත්මක කිරීමට හැකිවූ බවයි. ආපදා මෙහෙයුම් මාධ්‍ය මධ්‍යස්ථානයේදී විශේෂ ප්‍රකාශයක් සිදු කරමින් ඒ මහතා මේ බව පැවසුවා.

රජයක් වශයෙන් මේ වන විට පත්ව ඇති ආපදා තත්ත්වයෙන් රට ගොඩගැනීමට ඇප කැප වන බව බුද්ධශාසන, ආගමික කටයුතු සහ සංස්කෘතික කටයුතු නියෝජ්‍ය අමාත්‍ය ගමගෙදර දිසානායක මහතා පවසනවා. ආපදාවන්ට ලක්වූවන්ට තම ජිවිතය නැවත යථා තත්ත්වයට පත් කරගැනීමට අවශ්‍ය පහසුකම් නොඅඩුව ලබා දීම රජයේ වගකීමක් බව ද ඔහු සදහන් කළා. නියෝජ්‍ය අමාත්‍යවරයා මේ බව සදහන් කළේ ජාතික නාමල් උයනේ පැවති වැඩසටහනකට එක්වෙමින්.

නොරොච්චෝලේ, නාවක්කාඩුව ප්‍රදේශයේදී පුද්ගලයෙකු විසින් තියුණු ආයුධයකින් පහරදීම හේතුවෙන් පිරිමි පුද්ගලයෙකු හා කාන්තාවක් ජීවිතක්ෂයට පත්ව තිබෙවා. බරපතළ තුවාල ලබා පුත්තලම රෝහලට ඇතුලත් කිරීමෙන් පසු ඔවුන් දෙදෙනා ජීවිතක්ෂයට පත්ව ඇති බවයි අප වාර්තාකරු සදහන් කළේ. මරණකරු වයස අවුරුදු 38ක් සහ මරණකාරිය වයස අවුරුදු 35ක් බවත් ඔවුන් නාවක්කාඩුව ප්‍රදේශයේ පදිංචිකරුවන් බවත් පොලීසිය පවසනවා. පුද්ගලික ආරවුලක් මත මෙම ද්විත්ව ඝාතනය සිදුකර ඇති බවටයි දැනට සිදු කරන ලද විමර්ශනවලදී අනාවරණය වී ඇත්තේ. වයස අවුරුදු 23 ක් වන නාවක්කාඩුව ප්‍රදේශයේ පදිංචි සැකකරු පොලිස් අත්අඩංගුවට ගෙන ඇති අතර ඔහු පොලිස් ආරක්ෂාව යටතේ පුත්තලම රෝහලේ ප්‍රතිකාර ලබනවා.

ඉන්දියාව සහ දකුණු අප්‍රිකාව අතර පැවැත්වෙන තරග තුනකින් සමත්විත එක්දින ක්‍රිකට් තරගාවලියේ දෙවන තරගයේ ජය දකුණු අප්‍රිකාව හිමි කරගත්තා. ඒ අනුව සත්කාරක ඉන්දීය කණ්ඩායමට එරෙහිව කඩුලු 4 ක ජයක් ලබා ගැනීමට දකුණු අප්‍රිකාව සමත් වුණා. ඉන්දියාව ලබා දුන් ලකුණු 359 ක ඉලක්කය හඹා ගිය දකුණු අප්‍රිකාව පන්දුවාර 49 යි පන්දු 2 කදී කඩුලු 6 ක් දැවී ලකුණු 362 ක් ලබාගනිමින් තරගය ජයග්‍රහණය කළා. පන්දුවට පහරදීමේදී දකුණු අප්‍රිකානු ක්‍රීඩක ඒඩියන් මාක්‍රම් පන්දු 98 කදී ලකුණු 110 ක් ලබා ගත්තා. මැතිව් බී්‍රට්ස්ක් ලකුණු 68ක්, ඩිවෝල්ට් බ්‍රෙව්ස් ලකුණු 54ක් හා කොබින් බොස්ච් නොදැවී ලකුණු 29 ක් රැස්කරගැනීමට සමත් වුණා. ඒ අනුව මෙම ජයග්‍රහණයත්…

නයිජීරියාවේ ආරක්ෂක අමාත්‍ය මොහොමඩ් බදාරු අබුබකර් සිය ධුරයෙන් ඉල්ලා අස්වී වී තිබෙනවා. අමාත්‍යවරයාගේ අයහපත් සෞඛ්‍ය තත්ත්වය මත මෙම තීරණය ගෙන ඇති බවයි විදෙස් මාධ්‍ය සඳහන් කරන්නේ. 63 හැවිරිදි ආරක්ෂක අමාත්‍යවරයාගේ ඉවත් වීම එරට ආරක්ෂාවට අභියෝගයක් වනු ඇති බවටයි දේශපාලන විචාරකයින් පවසන්නේ.

රුසියානු ජනාධිපති ව්ලැදිමීර් පුටින් අද ඉන්දියාවට පැමිණීමට නියමිතයි. ඉන්දීය මාධ්‍ය වාර්තා කරන්නේ 23 වන ඉන්දියානු-රුසියානු වාර්ෂික සමුළුව වෙනුවෙන් රුසියානු ජනාධිපතිවරයා මෙලෙස ඉන්දියාවට පැමිණෙනු ඇති බවයි. දෙදින සංචාරය අතරතුර ජනාධිපති පුටින් හෙට දිනයේ ඉන්දීය අග්‍රාමාත්‍ය නරේන්ද්‍ර මෝදි සමග සාකච්ඡා සිදු කිරීමටද නියමිතයි. නායකයින් දෙදෙනාම අන්‍යෝන්‍ය වශයෙන් වැදගත් සහ කලාපීය මෙන්ම ගෝලීය කරුණු පිළිබඳව අදහස් හුවමාරු කර ගනු ඇති බවත් ඉන්දීය මාධ්‍ය පවසනවා. එහිදී දෙපාර්ශ්වය විසින් වෙළඳාම, ආර්ථිකය, සෞඛ්‍ය සේවා, සංස්කෘතිය සහ මාධ්‍ය යන ක්ෂේත්‍ර ඇතුළු ගිවිසුම් ගණනාවක් අත්සන් කිරීමට ද නියමිත බව සදහන්. අමෙරිකානු විරෝධය හමුවේ රුසියානු ඛනිජ තෙල් මිලදී ගැනීම් සිදුකිරීම සම්බන්ධයෙන් ද මෙහිදී දීර්ඝ වශයෙන් සාකච්ඡා සිදු වනු ඇති…