Author: Anura Premakumara

විකිලීක්ස් නිර්මාතෘ ජූලියන් අසාන්ජ් අධිකරණය හමුවේ වරද පිළිගෙන තිබෙනවා. ඒ අනුව අමෙරිකානු ආරක්ෂණ ලේකන සිය වෙබ් අඩවිය හරහා හෙළි කිරීමේ වරද පිළිගැනීමට අසාන්ජ් කටයුතු කළ බවයි විදෙස් මාධ්‍ය වාර්තා කර ඇත්තේ. වසර 14ක් සිරදඬුවම් විදීම හේතුවෙන් තවදුරටත් ජූලියන් අසාන්ජ් හට සිරදඬුවම් නියම නොකරන අතර, ඉදිරි දිනකදී ඔහුගේ මය් රට වන ඕස්ටේ‍රලියාවට පිටුවහල් කිරීමට නියමිතයි.

පොල්තෙල් මිල ඉහළ යාම පාලනය සඳහා ආනයනික පොල්තෙල් සඳහා වන බද්ද අඩු කිරීමට යෝජනා කරන බව අමාත්‍ය මහින්ද අමරවීර මහතා පවසනවා. මෙම බද්ද 2025 තෙක් ඉහළ දැමීමට රජය අපේක්ෂා නොකරන බවයි අමාත්‍යවරයා සදහන් කළේ. ආනයනික පොල්තෙල් ලීටරයක් සදහා වර්තමානයේ රුපියල් 150ක බද්ධක් අය කරනු ලබනවා. මේ වන විට ආනයනික පොල්තෙල් මෙටි්‍රක් ටොන් 70,000ක් රට තුළ පවතින අතර, පසුගිය වසරට සාපේක්ෂව මෙය තුන් ගුණයක ඉහළ යාමක් බවයි කෘෂිකර්ම අමාත්‍යාංශය පවසන්නේ. ඒ අනුව පොල්තෙල් හිගයක් ද රට තුළ නොමැති අවස්ථාවක මිල ඉහළ දැමීමට පොල්තෙල් මාෆියාව ගෙන යන කූඨ උපයාක් බව පොල් සංවර්ධන අධිකාරිය පෙන්වා දෙනවා.

පරිගණක හා තොරතුරු තාක්ෂණය හරහා ආර්ථික හා තාක්ෂණික අංශ ඒකාබද්ධ කිරීමට රජයේ විශේෂ අවධානය යොමු වී ඇති බව ජනාධිපති රනිල් වික්‍රමසිංහ මහතා පවසනවා. ශ්‍රී ලංකාව තුළ ආයෝජන දිරිමත් කරමින් කොළඹ වරාය නගරය අක්වෙරළ ක්‍රියාකාරකම් සඳහා ද පහසුකම් සැලසෙන මූල්‍ය කලාපයක් ලෙස නිර්මාණය කිරීම තම අරමුණ බවයි ජනාධිපතිවරයා පෙන්වා දෙන්නේ. ජනාධිපති රනිල් වික්‍රමසිංහ මහතා මේ බව සඳහන් කර සිටියේ කොළඹ සිනමන් ග්‍රෑන්ඩ් හෝටලයේදී ඊයේ ආරම්භ කෙරුණ 2024 ඩිජිඉකෝන් ගෝලීය ආයෝජන සමුළුව අමතමින්.

වෘත්තීය සමිති කිහිපයක් විසින් ආරම්භ කර තිබෙන වෘත්තීය සමති ක්‍රියාමාර්ග අද දිනයේදීත් ක්‍රියාත්මක වනවා. ඒ අනුව අද දිනයේදී ගුරු – විදුහල්පතිවරුන් අසනීම නිවාඩු වාර්තා කරමින් දීපව්‍යාප්ත වැඩ වර්ජනයක් ආරම්භ කිරීමටයි තීරණය කර ඇත්තේ. කෙසේ වෙතත් මෙම ක්‍රියාමාර්ගය දේශපාලන අවශ්‍යතාවය මත සිදු කරන බවයි වැටුප් විෂමතාවයට එරෙහි ගුරු විදුහල්පති එකමුතුවේ කැඳවුම්කරු පූජ්‍ය උලපනේ සුමංගල හිමියන් සඳහන් කළේ. මේ අතර රජයේ විධායක නිලධාරීන් ආරම්භ කළ වැඩ වර්ජන ක්‍රියාවලිය අද දිනයේදීත් ක්‍රියාත්මක කරන බව රජයේ විධායක නිලධාරීන්ගේ විධායක කමිටු සාමාජික එච්.ඒ.එල් උදයසිරි මහතා සඳහන් කළා. මේ අතර ඉල්ලීම් කිහිපයක් මුල් කරගනිමින් රජයේ විද්‍යාත්මක නිලධාරීන්ගේ සංගමය ඊයේ ක්‍රියාත්මක කළ අසනීප නිවාඩු වාර්තා කිරීමේ…

පැරිස් සමාජය සහ අනෙකුත් පාර්ශවකරුවන් සමග ණය ප්‍රතිව්‍යූහගත කිරීමේ ගිවිසුම් වලට අත්සන් තැබීම අද දිනයේදී සිදු කිරීමට නියමිතයි. මෙම ගිවිසුම් අත්සන් කිරීම සඳහා කැබිනට් මණ්ඩලයේ අනුමැතිය හිමිවූ බවයි කැබිනට් මාධ්‍ය ප්‍රකාශකවරයා සඳහන් කළේ. මෙරට මුදල් අමාත්‍යාංශයේ ලේකම්වරයා, භාණ්ඩාගාරයේ ප්‍රධානීන් සහ මුදල් රාජ්‍ය අමාත්‍යවරුන් ඇතුළු ශ්‍රී ලංකා නියෝජිත කණ්ඩායම ගිවිසුම් අත්සන් කිරීම සඳහා පිටත්ව ගොස් තිබෙනවා.

ජනාධිපති රනිල් වික්‍රමසිංහ මහතා අද දිනයේදී ජාතිය අමතා විශේෂ ප්‍රකායක් සිදු කිරීමට නියමිතව තිබෙනවා. අද රාත්‍රී 08ට ජනාධිපතිවරයා විසින් මෙම ප්‍රකාශය සිදු කිරීමටයි නියමිතව ඇත්තේ. මෙහිදී රට බංකොලොත් භාවයෙන් මුදා ගැනීම පිළිබඳ ජනාධිපතිවරයා සිය විශේෂ ප්‍රකාශය මගින් පැහැදිලි කිරීමක් සිදු කරන බව රජයේ ආරංචි මාර්ග සඳහන් කළා.

බස්නාහිර, සබරගමුව සහ වයඹ යන පළාත්වලත් මහනුවර, නුවරඑළිය, ගාල්ල සහ මාතර යන දිස්ත්‍රික්කවලත් අද දිනයේ විටින්විට වැසි ඇතිවිය හැකි බය කාලගුණවිද්‍යා දෙපාර්තමේන්තුව පවසනවා. බස්නාහිර සහ සබරගමුව යන පළාත්වලත්, මහනුවර සහ නුවරඑළිය දිස්ත්‍රික්කවලත් ඇතැම් ස්ථානවල මිලිමීටර් 100ක පමණ තද වැසි ඇතිවිය හැකි බවයි එම දෙපාර්තමේන්තුව සඳහන් කළේ. මේ අතර අරාබි මුහුදු ප්‍රදේශයට නැවත දැනුම් දෙන තුරු යාත්‍රා නොකරන ලෙස නාවික හා ධීවර ප්‍රජාවන්ට කාලගුණවිද්‍යා දෙපාර්තමේන්තුව දැනුම් දෙනවා.

රුසියාවේ මොස්කව් අගනුවර කාර්යාල ගොඩනැගිල්ලක හටගත් ගින්නකින් පුද්ගලයන් 08 දෙනෙකු ජීවිතක්ෂයට පත්ව තිබෙනවා. එම අවස්ථාවේදී එක් පුද්ගලයෙකු බේරාගෙන ඇති අතර, ඔහු මේ වන විට බරපතල තත්ත්වයෙන් රෝහල්ගත කර ඇති බවයි විදෙස් මාධ්‍ය වාර්තා කර ඇත්තේ. ගින්න සිදුවන අවස්ථාවේ දෙදෙනෙකු ගොඩනැගිල්ලේ ජනේලයෙන් පැනීමෙන් ජීවිතක්ෂයට පත්ව ඇත් අතර, සෙසු පුද්ගලයන් 06 දෙනා ගොඩනැගිල්ලේ අභ්‍යන්තර කඩා වැටීම හේතුවෙන් ජීවිතක්ෂයට පත්ව තිබෙනවා. ගින්නට හේතුව මෙතෙක් අනාවරණය වී නොමැති බවයි විදෙස් මාධ්‍ය වැඩිදුරටත් සඳහන් කර ඇත්තේ.

2024 විස්සයි විස්ස ලෝක කුසලාන ක්‍රිකට් තරඟාවලියේ සුපිරි අට දෙනාගේ වටයේ ඊයේ පැවති තරඟයෙන් ඕස්ටේ‍රලියානු කණ්ඩායම පරාජය කරමින් ලකුණු 24ක ජයක් වාර්තා කිරීමට ඉන්දීය කණ්ඩායම සමත් වුණා. ඒ අනුව අපරාජිතව අවසන් පූර්ව වටයට සුදුසුකම් ලැබීමටයි ඉන්දීය කණ්ඩය සමත් වුණේ. තරඟයේ පළමුවෙන් පන්දුවට පහරදුන් ඉන්දීය කණ්ඩායම නියමිත පන්දුවාර 20 අවසානයේ කඩුලු 05ක් දැවී ලකුණු 205ක් රැස් කළා. එහිදී නායක රෝහිත් ෂර්මා පන්දු 41දී ලකුණු 92ක් රැස් කළ අතර, සූර්යකුමාර් යාදව් පන්දු 16දී ලකුණු 31ක් රැස් කිරීමට සමත් වුණා. පන්දු යැවීමේදී මිචෙල් ස්ටාර්ක් සහ මාර්කස් ස්ටොයිනීස් කඩුලු 2 බැගින් බිඳ හෙලුවා. ඒ අනුව පිළිතුරු ඉනිම ක්‍රීඩා කළ ඕස්ටේ‍රලියානු කණ්ඩායමට පන්දුවාර 20…

වව්නියාව, මරක්කාරම්පලෙයි ප්‍රදේශයේ ගෘහභාණ්ඩ ගබඩාවක ඊයේ පස්වරුවේ ඇති වූ හදීසි ගිනිගැනීමකින් ගෘහභාණ්ඩ නිශ්පාදන සියල්ලක්ම විනාශ වී තිබෙනවා. විදුලි කාන්දුවක් හේතුවෙන් මෙම ගින්න හට ගෙන ඇති බවට සැක පල කරන බවයි පොලීසිය සඳහන් කළේ. වව්නියාව නගරසභා ගිනි නිවීමේ ඒකකය, යුදහමුදාව සහ ප්‍රදේශ වාසීන් එක්ව පැය 03 කට අධික කාලයකට පසුව ගින්න මැඩපැවත්වීමට පියවර ගනු ලැබුවා. ගින්නෙන් කිසිවෙකුටත් හානි සිදුව නොමැති අතර, සිද්ධිය සම්බන්ධයෙන් වව්නියාව පොලීසිය වැඩිදුර විමර්ශන සිදු කරනු ලබානවා.