රජය විසින් පාර්ලිමේන්තුවට ඉදිරිපත් කර තිබෙන ආණ්ඩුක්‍රම ව්‍යවස්ථාවේ 22 වන සංශෝධන පනත් කෙටුම්පත අභියෝගයට ලක්කරමින් ගොනුකර ඇති පෙත්සම් පිළිබඳ විභාගය ඊයේ පස්වරුවේ අවසන් වුනා. ඉන් අනතුරුව ශේෂ්ඨාධිකරණය පැවසුවේ එම පනත් කෙටුම්පතේ ව්‍යවස්ථානුකූල භාවය පිළිබඳ රහසිගත නිගමනය පාර්ලිමේන්තුවේ කථානායකවරයා වෙත යොමු කරන බවයි.
අදාළ පනත් කෙටුම්පත අභියෝගයට ලක් කරමින් සහ සහාය පළ කරමින් ගොනුකර තිබූ පෙත්සම්, පෙත්සම් වෙනුවෙන් පෙනී සිටි නීතිඥවරු සහ නීතිපතිවරයා විසින් ඉදිරිපත් කළ කරුණු සලකා බැලීමෙන් අනතුරුව මෙම තීරණය ගෙන තිබෙනවා. ඒ අගවිනිසුරු ප්‍රීති පද්මන් සූරසේන මහතා ප්‍රමුඛ පංච පුද්ගල ශේෂ්ඨාධිකරණ විනිසුරු මඩුල්ල විසින් . මෙම පෙත්සම්වලට අදාළ ලිඛිත දේශන තිබේ නම් ඒවා අද දින පස්වරු 3ට පෙර ගොනු කිරීමට පියවර ගන්නා ලෙසයි විනිසුරු මඩුල්ල මෙහිදී පාර්ශ්වකරුවන්ට නියම කළේ.
පෙත්සම් විභාගයෙන් අනතුරුව මාධ්‍යට අදහස් දක්වමින් නියෝජ්‍ය අමාත්‍ය සුනිල් වටගල මහතා පැවසුවේ මෙම සංශෝධයේ නීත්‍යානුකූල භාවය සම්බන්ධයෙන් නිවැරදි කරුණු ඉදිරිපත් කළ බවයි.
