ප්රදේශ දෙකකදී පුද්ගල ඝාතන දෙකක් සිදුව තිබෙනවා.
පොලිසිය කියා සිටියේ නෙළුව සහ දැරණියගල යන ප්රදේශවලදී මෙම ඝාතන සිදුව ඇති බවයි.
නෙළුව, හප්පිටිය ප්රදේශයේදී ඊයේ(20) අලුයම් කාලයේදී ගෙල කපා කාන්තාවක් ඝාතනය කර ඇති බවයි නෙළුව පොලිසිය පවසන්නේ.
වයස අවුරුදු 32ක් පමණ වූ හප්පිටිය ප්රදේශයේ පදිංචි කාන්තාවක් මෙහිදී ඝාතනයට ලක්ව ඇති බවයි පොලිසිය කියා සිටියේ.
පවුල් ආරවුලක් දුරදිග යාම හේතුවෙන් මරණකාරියගේ සැමියා විසින් මෙම ගාතනය සිදුකර ඇති බවට සිදුකරන ලද විමර්ශනවලදී අනාවරණ වී තිබෙනවා.
ඝාතනය සිදු කළ වයස අවුරුදු 34ක් පමණ වන සැකකරු පොලිසිය විසින් අත්අඩංගුවට ගෙන තිබෙනවා.
නෙළුව පොලිසිය වැඩිදුර විමර්ශන සිදු කරනු ලබනවා.
මේ අතර ඊයේ(20) සවස දැරණියගල, උඩමාලිබොඩ ප්රදේශයේදී තියුණු ආයුධයකින් පහරදී පුද්ගලයෙකු ඝාතනය කර ඇති බවට දැරණියගල පොලිසිය පවසනවා.
පොලිසිය කියා සිටියේ මරණකරු අවුරුදු 32ක් වූ මාලිබොඩ ප්රදේශයේ පදිංචිකරුවෙක් බවයි.
මරණකරු සහ ඔහුගේ මාමණ්ඩිය අතර ඇති වූ පුද්ගලික ආරවුලක් දුරදිග යාම හේතුවෙන් මාමණ්ඩිය විසින් තියුණු ආයුධයකින් පහරදී මෙම ඝාතනය සිදුකර ඇති බවට විමර්ශනවලදී අනාවරණ වී තිබෙනවා.
ඝාතනය සිදු කළ සැකකරු අත්අඩංගුවට ගැනීම සඳහා දැරණියගල පොලිසිය වැඩිදුර විමර්ශන සිදු කරනු ලබනවා.
