පොලිස් නිලධාරීන්ගේ ඡායාරූප භාවිත කරමින් හා ව්යාජ ලෙස පොලිස් නිලධාරීන් ලෙස පෙනී සිටිමින් සමාජ මාධ්ය ජාලා හරහා සිදුකරනු ලබන මූල්ය වංචා සම්බන්ධයෙන් දැනුම්දීම සඳහා පොලීසිය විසින් දුරකථන අංක කිහිපයක් හඳුන්වා දී තිබෙනවා. නිවේදනයක් නිකුත් කරමින් පොලිස් මාධ්ය ප්රකාශක කාර්යාලය සඳහන් කළේ මෙම වංචා සම්බන්ධයෙන් මීට පෙර අවස්ථාවලදී දැනුම්වත් කර තිබුණ ද අදාළ වංචාවන්ට ජනතාව යළිත් හසුව ඇති බවට නිරීක්ෂණය වන බවයි. ඒ අනුව පරිගණක අපරාධ විමර්ශන කොට්ඨාශයේ අධීක්ෂණ නිලධාරීන්ගේ 071 859 29 18 සහ 071 859 17 65 යන දුරකථන අංකවලට හෝ 0112 300 756 යන දුරකථන අංකය වෙත අදාළ පැමිණිලි ඉදිරිපත් කරන ලෙස පොලීසිය දැනුම්දී තිබෙනවා.
