මෙරට ලාදුරු රෝගීන්ගෙන් සියයට 10 ක් පමණ ළමුන් බවට හඳුනාගෙන ඇති බව කොළඹ දිස්ත්‍රික් සෞඛ්‍ය සේවා අධ්‍යක්ෂ, විශේෂඥ වෛද්‍ය චන්දන ගජනායක මහතා පවසනවා.
ඔහු ප්‍රකාශ කළේ වසරකට මෙරටින් ලාදුරු රෝගීන් 2,000 ක පමණ සංඛ්‍යාවක්වාර්තා වන බවයි.
අදට යෙදී ඇති ලෝක ලාදුරු දිනය වෙනුවෙන් ජනතාව දැනුම්වත් කිරීමේ වැඩසටහනක් කොළඹ දිස්ත්‍රික්කය කේන්ද්‍ර කර ගනිමින් පවත්වන බව ද විශේෂඥ වෛද්‍ය චන්දන ගජනායක මහතා සඳහන් කළා.
ලාදුරු රෝගය වැළඳී බොහෝ කාලයක් යන තුරු දිස්වන්නේ සුදු පාට ලපයක් පමණක් බැවින් බොහෝ දෙනා එය රෝගයක් ලෙස නොසලකා කටයුතු කරන බවත් විශේෂඥ වෛද්‍ය චන්දන ගජනායක මහතා පෙන්වා දෙනවා.
Array
