රට තුළ පවතින ආර්ථික අර්බුදයෙන් මිදීමට නම් ජාත්යන්තර මූල්ය අරමුදල සිදු කරන මග පෙන්වීම් අනුව ක්රියා කිරීම හැර වෙනත් විකල්පයක් නොමැති බව මුදල් රාජ්ය අමාත්ය රංජිත් සියඹලාපිටිය මහතා පවසනවා.
මෙම වසර තුළ 3.5% ක සෘණ ආර්ථිකයක් බලාපොරොත්තු වන බවත් 2024 වසරේදී එය ධන ආර්ථිකයක් කරා ගමන් කළ හැකි බවත් අමාත්යවරයා පැවසුවා.
ඔහු මේ බව සඳහන් කළේ අද පැවති මාධ්ය හමුවකදීයි.
මේ අතර ඉතිහාසයේ දරුණුම ආර්ථික අවපාතයකට මුහුණ දී සිටින පාකිස්ථානය ජාත්යන්තර මූල්ය අරමුදලේ උපදෙස් මත බදු ඉහළ දැමීමට තීරණය කර තිබෙනවා.
නව බදු ලෙස එරට මුදලින් රුපියල් බිලියන 200ක් උපයා ගත හැකි ආකාරයට අවශ්ය ප්රතිපාදන සකස් කර ඇති බවයි වාර්තා වන්නේ.
එහිදි අපනයන භාණ්ඩ මත බදු පැනවීම සහ බලශක්ති, ගෑස් මිල ඉහළ දැමීමටද යෝජනවා වී තිබෙනවා.
එමෙන්ම පාකිස්ථානයේ පෙට්්රල් සහ ඩීසල් මිලද රුපියල් 35කින් වහාම ඉහළ නැංවීමටත් පියවර ගෙන තිබෙන බව සඳහන්.
මේ අතර විදුලි සහනාධාරය අත්හිටුවීමටත් අවධානය යොමුව ඇති බවයි වාර්තා වන්නේ.
