නීති විරෝධීව මෙරට මුහුදු සීමා උල්ලංඝනය කරමින් මසුන් ඇල්ලු ඉන්දීය ධීවරයින් පිරිසක් අද අලුයම ඩෙල්ෆ්ට් දූපත මුහුදු තීරයේදී ශ්ර ී ලංකා නාවික හමුදාව විසින් අත්අඩංගුවට ගෙන තිබෙනවා.
මෙම ධීවරයින් ඉන්දියාවේ රාමේෂ්වරම් ධීවර වරායේ සිට මසුන් ඇල්ලීම සඳහා පැමිණ ඇති බවයි වාර්තා වන්නේ.
මෙරට මුහුදු සීමා නීති උල්ලංඝනය කරමින් මසුන් ඇල්ලීමේ චෝදනාව මත මෙම ඉන්දීය ධීවරයින් දස දෙනා සහ ඔවුන්ගේ යාත්රාව මෙලෙස අත්අඩංගුවට ගෙන තිබෙනවා.
අත්අඩංගුව ගත් පිරිස සහ යාත්රාව කරෙයිනගර් නාවික හමුදා කඳවුර වෙත රැගෙන යනු ලැබුවා.
මෙම පිරිස ධීවර හා ජලජ සම්පත් දෙපාර්තමේන්තුව වෙත භාරදීමට නියමිත අතර අනතුරුව අධිකරණයට ඉදිරිපත් කිරීමට නියමිතයි
