වෝන් – මුරලි ටෙස්ට් තරගාවලියේ පළමු තරගය සඳහා පැතුම් නිස්සංක ක්‍රීඩා නොකරනු ඇති බවට තොරතුරු වාර්තා වනවා.
ඔහුගේ ආදේශක පිතිකරුවෙක් ලෙස ඕෂධ ප්‍රනාන්දු කැඳවා ඇති බව සඳහන්.
ඔස්ට්‍රේලියාව සහ ශ්‍රී ලංකාව තරග දෙකකින් සමන්විත තරගාවලියේ ලබන 29 වනදා ගාල්ලේදී ආරම්භ වීමට නියමිතයි.
කණ්ඩායම් දෙකෙහි ක්‍රීඩකයින් ඊයේ (26) ගාල්ලේදී සිය පුහුණුවීම් ආරම්භ කළා.
කෙසේවෙතත් ඊට පැතුම් නිස්සංක එක්ව සිටියේ නැහැ.
එමෙන්ම මීට පෙර සුළු ආබාධවලට ලක්ව සිටි කමිඳු මෙන්ඩිස් සහ ධනංජය ද සිල්වා පුහුණුවීම්වල නිතර වූ ආකාරය දැකගත හැකි වුණා.
ඒ හේතුවෙන් ඔවුන් දෙදෙනා දෙරට අතර පැවැත්වෙන පළමු තරගය සඳහා ක්‍රීඩා කරනු ඇති බවයි ක්‍රිකට් ආරංචි මාර්ග සඳහන් කළේ.
