විස්සයි විස්ස ලෝක කුසලාන ක්රිකට් තරගාවලියේ සිම්බාබ්වේ සහ ඔස්ටේ්රලියා කණ්ඩායම අතර තරගයෙන් ලකුණු 23ක පෙරළිකාර ජයක් වාර්තා කිරීමට සිම්බාබ්වේ කණ්ඩායම සමත්ව තිබෙනවා.
තරගාවලියේ 19 වන තරගය ලෙස පැවැති මෙම තරගය අද පැවැත්වුණේ කොළඹ ආර්. ප්රේමදාස ක්රීඩාංගණයේදීයි.
එහිදී කාසියේ වාසිය දිනාගත් ඔස්ටේ්රලියානු කණ්ඩායම පළමුවෙන් පන්දු රැකීමට තීරණය කළා.
ඒ අනුව පන්දුවට පහරදීමට පිටියට පිවිසි සිම්බාබ්වේ කණ්ඩායම නියමිත පන්දුවාර 20 අවසානයේ කඩුලු දෙකක් පමණක් දැවී ලකුණු 169ක් ලබාගැනීමට සමත් වූවා.
සිම්බාබ්වේ කණ්ඩායම වෙනුවෙන් පන්දුවට පහර දුන් ආරම්භක පිතිකරු Brian Bennett නොදැවී ලකුණු 64ක් ලබාගැනීමට සමත්වූවා.
නායක Sikandar Razaද නොදැවී ලකුණු 25ක් ලබාගැනීමට සමත් වුණා.
දැවී ගිය ක්රීඩකයන් වන Tadiwanashe Marumani සහ Ryan Burl දෙදෙනාම ලකුණු 35 බැගින් ලබාගැනීමට සමත් වූවා.
පන්දු යැවීමේදී ඕස්ට්රේලියානු කණ්ඩායමේ Marcus Stoinis සහ Cameron Green එක් කඩුල්ල බැගින් දවා ගැනීමට සමත් වූවා.
ජයග්රාහී ලකුණු 170ක් හඹා යාමට පිටියට පිවිසි ඕස්ට්රේලියානු ක්රිකට් කන්ඩායමට පන්දුවාර 19.3කදී සියලු දෙනා දැවී ලබාගත හැකි වූයේ ලකුණු 146ක් පමණයි.
Matt Renshaw ලකුණු 65ක්ද Glenn Maxwell ලකුණු 31ක්ද Travis Head ලකුණු 17ක්ද ලබාගැනීමට සමත් වුවා.
කෙසේ වෙතත් සෙසු කිසිදු ක්රීඩකයෙකුට ලකුණු ලබාගැනීමට හැකි වූයේ නැහැ.
පන්දු යැවීමේදී සිම්බාබ්වේ කණ්ඩායම වෙනුවෙන් Blessing Muzarabani කඩුලු 4ක්ද Brad Evans කඩුලු 3ක්ද දවා ගැනීමට සමත් වූවා.
Wellington Masakadza සහ Ryan Burl එක් කඩුල්ල බැගින් දවා ගැනීමට සමත් වූවා.
තරගයේ වීරයා ලෙස සිම්බාබ්වේ කණ්ඩායම පන්දු යවන ක්රීඩක Blessing Muzarabani නම් කෙරුණා.
