අල්ලස් හෝ දූෂණ චෝදනා කොමිසම විසින් අත්අඩංගුවට ගැනුණු හිටපු ප්‍රධාන අමාත්‍ය ශාල් විජයලාල් ද සිල්වා මහතා එළැඹෙන 12 වනදි දක්වා රක්ෂිත බන්ධනාගාර ගත කර තිබෙනවා.
ඒ අල්ලස් කොමිසමේ නිලධාරීන් විසින් ඒ මහතා අත්අඩංගුවට ගෙන අලුත්කඩේ ප්‍රධාන මහේස්ත්‍රාත් අධිකරණයට ඉදිරිපත් කිරීමෙන් පසුව අධිකරණය මෙම නියෝග කර තිබෙනවා.
දකුණු පළාත් හිටපු ප්‍රධාන ඇමැති ශාන් විජයලාල් අත්අඩංගුවට [Jun 10, 2026 at 13:41]
දකුණු පළාත් සභාවේ හිටපු ප්‍රධාන අමාත්‍ය ශාන් විජයලාල් ද සිල්වා මහතා අත්අඩංගුවට ගෙන තිබෙනවා.
ඒ අල්ලස් හෝ දූෂණ චෝදනා විමර්ශන කොමිසන් සභාවේ නිලධාරීන් විසින්.
ඔහුට එල්ල වී ඇති චෝදනාව වන්නේ 2019 වර්ෂයේදී රුපියල් මිලියන 16.5ක දකුණු පළාත් සභා මන්ත්‍රී ප්‍රතිපාදනවලින් දකුණු පලාතේ පොදු ස්වේච්ඡා සමිති සඳහා පුටු ලබාදීම වෙනුවෙන් නියමිත ප්‍රසම්පාදන ක්‍රමවේදයෙන් බැහැරව නිෂ්පාදිත ආයතනයක් තෝරා ගනිමින් එම ආයතනය වෙත වාසියක් සිදුකිරීම හා දකුණු පලාතේ දිස්ත්‍රික් තුනෙහි පළාත් සභා මන්ත්‍රීවරු 54 දෙනෙකු වෙත එම ම ිලදී ගන්නා ලද පුටු 16,361ක් නිවාස කාර්යාල වෙත ප්‍රවාහනය කරවා භාරදීමට සැලැස්වීම මගින් රජයට පාඩු කිරීම යන්නයි.
