ජ්‍යෙෂ්ඨ නියෝජ්‍ය පොලිස්පති වරුණ ජයසුන්දර මහතා අභියාචනාධිකරණයට රිට් පෙත්සමක් ඉදිරිපත් කර තිබෙනවා.
ඒප ාස්කු ප්‍රහාරයේ විමර්ශනවලට අදාළව කිසිදු සාධාරණ හේතුවක් නොමැතිව තමන් අත්අඩංගුවට ගැනීම වැළැක්වීමේ නියෝගයක් ඉල්ලායි.
අදාළ පෙත්සම කරුණු තහවුරු කිරීම සඳහා අභියාචනාධිකරණ විනිසුරු මඩුල්ලක් හමුවේ කැඳවනු ලැබුවා.
එහිදී රජයේ නීතිඥවරිය අධිකරණයට දන්වා සිටියේ සිද්ධියට අදාළ වගඋත්තරකරුවන්ගෙන් උපදෙස් ලබාගැනීමට අවශ්‍ය බවත් ඒස ඳහා කාලය ලබාදෙන ලෙසත්ය.
එහිදී පෙත්සම්කාර ජ්‍යෙෂ්ඨ නියෝජ්‍ය පොලිස්පතිවරයා වෙනුවෙන් පෙනී සිටි නීතිඥවරයා සඳහන් කළේ පෙත්සම්කරු අත්අඩංගුවට ගැනීමේ අත්‍යසන්න තත්ත්වයක් උද්ගතව ඇති නිසා මෙම පෙත්සම ඉදිරිපත් කළ බවයි.
එහිදී විනිසුරු මඩුල්ල නියෝග කළේ මෙම පෙත්සම කරුණු තහවුරු කිරීම සඳහා ලබන සඳුදා කැඳවීමටයි.
එළැඹෙන සති අන්තයේ ඕනෑම දෙයක් සිදුවීමට හැකියාව තිබෙන හෙයින් අදාළ පෙත්සම කරුණු තහවුරු කිරීම සඳහා මෙම සතිය තුළ දිනයක් ලබාදෙන ලෙසටද එහිදී නීතිඥවරයා ඉල්ලා සිටියා.
කරුණු සලකා බැලූ අභියාචනාධිකරණය පෙත්සම ලබන 12 වනදා කරුණු තහවුරු කිරීම සඳහා කැඳවන ලෙස නියෝග කළා.
පෙත්සම්කරු පවසන්නේ පාස්කු ප්‍රහාරයේ විමර්ශනවලට අදාළව තමන්ව කිසිදු සාධාරණ පදනමක් නොමැතිව අත්අඩංගුවට ගැනීමේ අනතුරක් උද්ගතව තිබෙන බවයි.
