මැලේසියාවේ පැවැත්වෙන අවුරුදු 19න් පහළ කාන්තා විස්සයි20 ලෝක කුසලාන ක්රිකට් තරගාවලියේ අවසන් මහා තරගයට සුදුසුකම් ලබාගැනීමට දකුණු අප්රිකානු කාන්තා කණ්ඩායම අද සමත් වුණා.
තරගාවලියේ පළමු අවසන් පූර්ව තරගය ලෙසින් ක්වාලාලාම්පූර්හිදී පැවති මෙම තරගයේදී ඔස්ට්රේලියානු කාන්තා කණ්ඩායම කඩුලු 5කින් පරාජය කිරීමට දකුණු අප්රිකානු යොවුන් ක්රීඩිකාවන් සමත් වුණා.
පළමුවෙන් පන්දුවට පහරදුන් ඔස්ට්රේලියානු කණ්ඩායම පන්දුවාර 20 තුළදී කඩුලු 8ක් දැවී ලකුණු 105ක් රැස්කළා.
ඒ අනුව ලකුණු 106ක ඉලක්කයක් හඹා ගිය දකුණු අප්රිකාව කඩුලු 5ක් දැවී තිබියදී තරගයේ 19 වන පන්දුවාරයේදී එම ඉලක්කය සම්පූර්ණ කරගැනීමට සමත් වුණා.
දකුණු අප්රිකානු යොවුන් කාන්තා කණ්ඩායමක් විස්සයි20 ලෝක කුසලාන තරගාවලියක අවසන් මහා තරගයට සුදුසුකම් ලබාගත් පළමු අවස්ථාව මෙය වනවා.
