අව්‍යාජ බෞද්ධ ඉගෙනීම මෙන්ම භාවිතය සඳහා ගෝලීය මධ්‍යස්ථානය ලෙස ඉන්දියාව අද්විතීය සහ වැදගත් කාර්යභාරයක් ඉටු කරන බව දලෙයිලාමා පවසනවා. එය චීනයේ සීමාකාරී සහ දේශපාලනීකරණය වූ ප්‍රවේශය ඉක්මවා යන තත්වයක් බවයි එතුමන් පෙන්වා දෙන්නේ. ලඩාකිවරුන්, ටිබෙට්වරුන් සහ අනෙකුත් ප්‍රාදේශීය ප්‍රජාවන්ගෙන් උණුසුම්, ප්‍රීතිමත් පිළිගැනීමකින් අනතුරුව දලෙයිලාමා බෞද්ධ සම්ප්‍රදායන් ආරක්ෂා කිරීම සහ පෝෂණය කිරීම සඳහා ඉන්දියාවේ ගැඹුරු වැදගත්කම අවධාරණය කර ඇති බවයි විදෙස් මාධ්‍ය වාර්තා කළේ. චීන බලධාරීන් විසින් ටිබෙට් බෞද්ධ ආයතනවලට සිදු කරන ලද විනාශය සැලකිල්ලට ගනිමින් දලෙයිලාමා මේ බව පැවසූ බව එතුමන්ගේ කාර්යාලය නිවේදනයක් නිකුත් කරමින් පවසා ඇති බවයි විදෙස් මාධ්‍ය වැඩිදුරටත් වාර්තා කරන්නේ.
