කොළඹ ඓතිහාසික කොටුව ආකර්ෂණීය සංචාරක ගමනාන්තයක් ලෙස සංවර්ධනය කිරීම පිළිබඳ සාකච්ඡාවක් ජනාධිපති අනුර කුමාර දිසානායක මහතාගේ ප්රධානත්වයෙන් පැවැත්වුනා . ජනාධිපති කාර්යාලයේදී ඊයේ පස්වරුවේ මෙම සාකච්චාව පැවති බවයි ජනාධිපති මාධ්ය අංශය සදහන් කලේ. ලෝක බැංකු ණය සහ ආධාර යටතේ, බස්නාහිර පළාත් සභාව, නාගරික සංවර්ධන අධිකාරිය සහ කොළඹ මහනගර සභාව එක්ව කොළඹ කොටුව ප්රදේශය ජාත්යන්තර මට්ටමේ සංචාරක ගමනාන්තයක් ලෙස සංවර්ධනය කිරීමටයි සැලසුම් කර ඇත්තේ. ඒ අනුව ඓතිහාසික වටිනාකමක් ඇති ස්ථාන සහ ගොඩනැගිලි ආරක්ෂා කරමින් සංවර්ධනය කිරීමට මෙහිදී සාකච්චා වී තිබෙනවා , විධිමත් රථවාහන සැලැස්මක් ක්රියාත්මක කිරීමට මෙන්ම, මෙම ව්යාපෘතිය මගින් කොළඹ වරාය නගරය සහ වරායට පැමිණෙන සංචාරක නෞකා සමග සම්බන්ධ වෙමින් රටේ ආර්ථිකයට විශාල දායකත්වයක් ලබා දීමට අපේක්ෂා කරනු ලබනවා. ව්යාපෘතිය ක්රියාත්මක කිරීමට අදාළව සිදු කෙරෙන මූලික අධ්යයනයන් පිළිබඳ මෙහිදී සාකච්ඡාවට ලක් කෙරුනා.
සමස්ත ව්යාපෘතිය ක්රියාත්මක කිරීමේදී ප්රදේශයේ ඇළමාර්ග සංවර්ධනය කෙරෙහි ප්රමුඛ අවධානයක් යොමු කිරීමේ වැදගත්කමද ජනාධිපතිවරයා මෙහිදී පෙන්වා දෙනු ලැබුවා.
