ලංකා ප්‍රිමියර් ලීග් ක්‍රිකට් තරගාවලියේ ඊයේ පැවති තරග දෙකෙන් ජය වාර්තා කිරීමට කලම්බෝ ස්ට්‍රකර්ස් කණ්ඩායම සහ දඹුල්ල අවුරා කණ්ඩායම සමත් වුණා.
ඒ ගෝල් ටයිටන්ස් කණ්ඩායම සහ ජැෆ්නා කිංග්ස් කණ්ඩායම පරාජයට පත් කරමින්.
ඊයේ පැවති පළමු තරගයේදී ගෝල් ටයිටන්ස් කණ්ඩායම පරාජය කරමින් කඩුළු 07ක ජයක් වාර්තා කිරීමට කලම්බෝ ස්ට්‍රකර්ස් කණ්ඩායම සමත් වුණා.
එම තරගයේ පළමුවෙන් පන්දුවට පහරදුන් ගෝල් ටයිටන්ස් කණ්ඩායම නියමිත පන්දුවාර 20 අවසානයේ කඩුළු 03ක් දැවී රැස් කළ ලකුණු සංඛ්‍යාව 188ක්.
පිළිතුරු ඉනිම ක්‍රීඩා කළ කලම්බෝ ස්ට්‍රකර්ස් කණ්ඩායම පන්දුවාර 19යි පන්දු 5ක් අවසානයේ කඩුළු 03ක් දැවී ලකුණු 189ක් රැස් කර ගනිමින් තරගය ජයග්‍රහණය කළා.
එහිදී විශිෂ්ඨ ඉනිමක් ක්‍රීඩා කළ බාබර් අසාම් පන්දු 59දී ලකුණු 104ක් රැස් කිරීමට සමත් වුණා.
මේ අතර ඊයේ පැවති දෙවැනි තරගයෙන් ජැෆ්නා කිංග්ස් කණ්ඩායම පරදා ලකුණු 09ක ජයක් වාර්තා කිරීමට දඹුල්ල අවුරා කණ්ඩායම සමත් වුණා.
තරගයේ පළමුවෙන් පන්දුවට පහරදුන් දඹුල්ල කණ්ඩායම නියමිත පන්දුවාර 20 අවසනායේ කඩුළු 08ක් දැවී රැස් කළ ලකුණු සංඛ්‍යාව 134ක්.
පිළිතුරු ඉනිම ක්‍රීඩා කළ ජැෆ්නා කිංග්ස් කණ්ඩායමට පන්දුවාර 20 අවසානයේ කඩුළු 07ක් දැවී රැස් කරගත හැකි වූයේ ලකුණු 125ක් පමණයි.
එහිදී විශිෂඨ පන්දු යැවීමක නිරත වූ හසන් අලී ලකුණු 20ට කඩුළු 03ක් බිද හෙළීමට සමත් වුණා.
