මේ වන විට එල් නිනෝ තත්ත්වය මෙරට තුළ ස්ථාපිත වී ඇතැයි කාලගුණ විද්‍යා දෙපාර්තමේන්තුව පවසනවා. එම දෙපාර්තමේන්තුවේ අධ්‍යක්ෂ අජිත් විජේමාන්න මහතා පැවසුවේ, ශ්‍රී ලංකාව දුර්වල එල් නිනෝ තත්ත්වයේ සිට මධ්‍යස්ථ එල් නිනෝ තත්ත්වය දක්වා වර්ධනය වෙමින් පවතින බවය. මේ හේතුවෙන් මෙරට වැසි රටාවේ යම් වෙනසක් සිදුවිය හැකි බවත් ඇතැම් කාලවලදී එය ගංවතුර තත්ත්වයක් දක්වා වර්ධනය විය හැකි බවත් ඒ මහතා පෙන්වා දෙනවා.
