සංචාරක ශ්රී ලංකා කණ්ඩායමට එරෙහිව පැවති දෙවැනි විස්සයි විස්ස ක්රිකට් තරඟයෙන් කඩුළු 08ක ජයක් වාර්තා කිරීමට බංග්ලාදේශ කණ්ඩායම ඊයේ සමත් වුණා.
තරඟයේ පළමුවෙන් පන්දුවට පහරදුන් ශ්රී ලංකා කණ්ඩායම නියමිත පන්දුවාර විස්ස අවසාවයේ කඩුළු 05ක් දැවී ලකුණු 165ක් රැස් කළා.
එහිදී කමිදු මෙන්ඩිස් ලකුණු 37ක් සහ කුසල් මෙන්ඩිස් ලකුණු 36ක් රැස් කිරීමට සමත් වුණා.
පන්දු යැවීමේනී ටස්කින් අහමඩ්, මෙහෙදි හසාන්, මුස්ටෆිසූර් රහුමාන් සහ සෞම්ය සාකාර් එක් කඩුල්ල බැගින් බිඳ හෙළුවා.
ඒ අනුව පිළිතුරු ඉනිම ක්රීඩා කළ බංග්ලාදේශ කණ්ඩායම පන්දුවාර 18යි එක් පන්දුවක් අවසානයේ කඩුළු 02ක් දැවී ලකුණු 170ක් ලබා ගනිමින් තරඟය ජයග්රහණය කළා.
එහිදී අගනා ඉනිමක් ක්රීඩා කළ නායක නජ්මුල් හුසේන් සැන්ටෝ පන්දු 38දී නොදැවී ලකුණු 53ක් රැස් කළ අතර, ඔහු තරඟයේ වීරයා සම්මානයෙන්ද පිදුම් ලැබුවා.
පන්දු යැවීමේදී මතීෂ පතිරණ කඩුළු 2ක් බිඳහෙලීමට සමත් වුණා.
ඒ අනුව තරඟ තුනකින් සමන්විත විස්සයි විස්ස තරඟාවලිය කණ්ඩායම් දෙකම එක් තරඟය බැගින් ජය ගනිමින් මේ වන විට සම මට්ටමේ පසුවනවා.
