මහාචාර්ය ආශු මාරසිංහ මහතා සම්බන්ධයෙන් ආන්දෝලනාත්මක ප්රකාශයක් සිදු කළ ආදර්ශා කරදන නමැත්තිය අත්අඩංගුවට ගෙන තිබෙනවා.
පොලිස් පරිගණක අපරාධ ඒ්කකය විසින් ඇය අත්අඩංගුවට ගෙන ඇත්තේ ආශු මාරසිංහ මහතා විසින් ගොනු කරන ලද පැමිණිල්ලක් අනුවයි.
ආශු මාරසිංහ මහතා සම්බන්ධයෙන් ආන්දෝලනාත්මක ප්රකාශයක් සිදු කළේ යැයි තමන්ව අපරාධ පරීක්ෂණ දෙපාර්තමේන්තුව විසින් අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා ආදර්ශා කරදන නමැති කාන්තාව ඉදිරිපත් කළ අපේක්ෂිත ඇප අයදුම්පත ඊයේ(10) දින කොළඹ මහේස්ත්රාත් අධිකරණය ප්රතික්ෂේප කළා.
තීන්දුව ප්රකාශයට පත් කරමින් කොළඹ ප්රධාන මහේස්ත්රාත් ප්රසන්න අල්විස් මහතා සඳහන් කළේ එම අවස්ථාවේදී ඉල්ලුම්කාරියට අපේක්ෂිත ඇප නියම කිරීම සුදුසු නොවන බවයි.
ඒ අනුව අපේක්ෂිත ඇප ඉල්ලීම ප්රතික්ෂේප කරන බවත් ප්රධාන මහේස්ත්රාත්වරයා සඳහන් කළා.
ඉල්ලුම්කාර කාන්තාව වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින ආශු මාරසිංහ මහතා සුනඛයෙකු සමග අස්වාභාවික ආකාරයෙන් හැසිරෙන ඡායාරූපයක් සමාජ ජාලවලට මුදාහැරීමෙන් පසුව අපරාධ පරීක්ෂණ දෙපාර්තමේන්තුව තම සේවාදායිකාව අත්අඩංගුවට ගැනීම සඳහා කටයුතු කරමින් සිටින බවද සඳහන් කළා.
ආදර්ශා කරදන මෙලෙස අත්අඩංගුවට පත් වුවහොත් ඇයගේ ජීවිතයට අනතුරක් සිදුවිය හැකි බැවින් එසේ අත්අඩංගුවට ගැනීමට පෙර ඇය අපේක්ෂිත ඇපයක් මත මුදාහරින ලෙසත් නීතිඥවරයා අධිකරණයෙන් ඉල්ලා සිටියා.
