පසුගිය වසරේ සිදු කළ අමෙරිකානු හමුදා මෙහෙයුම් හේතුවෙන් සිවිල් වැසියන් 153 දෙනෙකු මියගොස් ඇති බව පෙන්ටගනය නිල වශයෙන් අනාවරණය කර තිබෙනවා. එමෙන්ම තවත් 243 දෙනෙකු තුවාල ලබා ඇති බවයි පෙන්ටගනය සදහන් කලේ . අමෙරිකානු කොංග්රසයට ඉදිරිපත් කළ නවතම වාර්තාවකට අනුව, මෙම සියලු මරණ සහ තුවාල වාර්තා වී ඇත්තේ යේමනයේ සන්නද්ධ කණ්ඩායමකට එරෙහිව සිදු කළ ගුවන් ප්රහාර තුනකට අදාළවයි. 2025 මාර්තු සිට මැයි දක්වා කාලය තුළ රතු මුහුදේ වාණිජ නෞකාවලට එල්ල වූ ප්රහාර වැළැක්වීමේ අරමුණින් අමෙරිකාව යේමනයේ ත්රස්ත ඉලක්ක වෙත ප්රහාර එල්ල කළ බවයි විදෙස් මාධ්ය සඳහන් කරන්නේ. කෙසේ වෙතත්, මෙම තක්සේරු කිරීම් සිදු කිරීමේදී අමෙරිකානු හමුදාව ප්රහාර එල්ල වූ ස්ථාන වෙත ගොස් පරීක්ෂා කිරීම් හෝ පුද්ගල සම්මුඛ සාකච්ඡා සිදු කර නොමැති බව සඳහන්. ඒ වෙනුවට අමෙරිකානු බුද්ධි තොරතුරු, චන්ද්රිකා සහ අනෙකුත් ඡායාරූප මෙන්ම ප්රසිද්ධියේ පළ වූ වාර්තා භාවිත කර තිබෙනවා. එමෙන්ම, පෙන්ටගනයේ නව වාර්තාවට ඇතුළත් නොවූ තවත් සිද්ධීන් 15ක් පිළිබඳව ද විමර්ශන සිදුකරමින් පවතින බව වාර්තාව සඳහන් කරන බවයි විදෙස් මාධ්ය වාර්තා කරන්නේ.
පෙන්ටගනය ප්රකාශ කර ඇත්තේ සිවිල් වැසියන්ට සිදුවන හානි අවම කිරීම සඳහා අමෙරිකානු හමුදාව දැඩි කැපවීමකින් කටයුතු කරන බවයි.
