විද්යා හා තාක්ෂණ අමාත්යාංශයේ අභිනව ලේකම් ධූරයට පත්කෙරුණු වයි.එල්. මොහොමඩ් නවාවි මහතා අද දින බත්තරමුල්ල සෙත්සිරිපාය පිහිටි විද්යා හා තාක්ෂණ අමාත්යාංශයේ දී විද්යා හා තාක්ෂණ අමාත්ය මහාචාර්ය ක්රිෂාන්ත අබේසේන මහතා ඉදිරියේ සිය රාජකාරි නිල වශයෙන් ආරම්භ කළේය.
මෙම අවස්ථාවට ගරු ජනාධිපතිතුමාගේ විද්යා හා තාක්ෂණ කටයුතු පිළිබඳ උපදේශක මහාචාර්ය ගෝමින් උඩුගමසූරිය මහතා, ඇතුළු අමාත්යාංශයේ හා අනුබද්ධ ආයතනවල ප්රධානීන් පිරිසක් එක්ව සිටියහ.
ශ්රී ලංකා පරිපාලන සේවයේ විශේෂ ශ්රේණියේ නිලධාරියෙකු වන මොහොමඩ් නවාවි මහතා මෙම තනතුරට පත්වීමට පෙර සෞඛ්ය අමාත්යාංශයේ අතිරේක ලේකම් (ප්රසම්පාදන) ලෙස කටයුතු කළේය. පොල්පිතිගම ප්රාදේශීය ලේකම් කාර්යාලය, මුස්ලිම් කටයුතු දෙපාර්තමේන්තුව, නැවත පදිංචි කිරීමේ අමාත්යාංශය, උසස් අධ්යාපන අමාත්යාංශය ආදී රාජ්ය ආයතනවලද ඒ් මහතා රාජකාරි කටයුතු සිදුකර තිබේ.
