ගුවන් යානා 100ක් නවත්වා – ලෝක ප්‍රකට මත්ද්‍රව්‍ය ජාවාරම්කරු අල්ලයි

ලෝක ප්‍රකට මත්ද්‍රව්‍ය ජාවාරම්කරුවෙකු වන ඔවීඩියෝ ගුස්මන් අත්අඩංගුවට ගත් මෙහෙයුමේදී පාතාල කල්ලි සාමාජිකයන් 19 දෙනෙකු මරුමුවට පත් වූ බව මෙක්සිකෝ රජය පවසනවා.
ගැටුම්වලදී ආරක්ෂක අංශ සාමාජිකයන් 10 දෙනෙකුද ජීවිතක්ෂයට පත්ව තිබුනා.
මෙහෙයුමේදී ලොව විශාලතම මත්ද්‍රව්‍ය ජාවාරමේ නායකයා වන ඔවීඩියෝ ගුස්මන් සමග තවත් සැකකරුවන් 21 දෙනෙකු අත්අඩංගුවට ගනු ලැබුවා.
ආරක්ෂක අංශ වැටලීම හමුවේ ජාවාරම්කරුවන් විසින් ගුවන් යානා වලටද ප්‍රහාර එල්ල කිරීම හේතුවෙන් ගුවන් ගමන් වාර 100ක් පමණ අවලංගු කිරීමට බලධාරීන් පියවර ගෙන තිබුනා.