ශ්‍රී ලංකාවේ ප්‍රදේශ කිහිපයක වාතයේ ගුණාත්මකභාවය අයහපත් මට්ටමට පත්ව ඇති බවට තොරතුරු වාර්තා වනවා.
මෙය අයහපත් සෞඛ්‍ය මට්ටමක් දක්වා පහත වැටී ඇති බවයි වායු ගුණාත්මක දර්ශකයේ කාලීන දත්ත වාර්තා පෙන්වා දෙන්නේ.
කදුරුවෙල, හලාවත, අකරගම, වඳුරගල, දිගන, මාදම්පාගම, හුංගම, අක්කරපත්තු, කලවාන, මුල්ලියාවේලි, පන්නන්කණ්ඩි, ආදම්පන්, උප්පුවේලි, යාපනය සහ කොළඹ ප්‍රදේශ වායු ගුණාත්මකභාවය පිරිහී ඇති ප්‍රදේශ ලෙස දක්වා තිබෙනවා.
මෙම වාතයට නිරාවරණය වීමෙන් දරුවන් හා වැඩිහිටියන් මෙන්ම ස්වසන හෝ හෘද රෝග ඇති පුද්ගලයන්ට අවදානම් සෞඛ්‍යය තර්ජනයක් විය හැකි බවයි පෙන්වා දෙන්නේ
