විෂ මත්ද්රව්යවලට එරෙහි ජාතික මෙහෙයුමේ රත්නපුර දිස්ත්රික් මෙහෙයුම් කමිටුවේ සභාපතිවරයා ලෙස ශාන්ත පද්මකුමාර පත්කළ බව මහජන ආරක්ෂක සහ පාර්ලිමේන්තු කටයුතු නියෝජ්ය අමාත්ය නිතීඥ සුනිල් වටගල ඊයේ (27) පැවසුවා.
විෂ මත්ද්රව්ය මුලිනුපුටා දැමීම සඳහා වන “රටම එකට ජාතික මෙහෙයුම” වැඩසටහනට සමගාමීව දිස්ත්රික් මෙහෙයුම් කමිටු ස්ථාපිත කිරීම ඊයේ (27) රත්නපුර දිස්ත්රික් ලේකම් කාර්යාලයේදී පැවැත්වූ අවස්ථාවේදී අමාත්යවරයා මේ බව සඳහන් කළා.
ජනාධිපතිවරයා මූලිකත්වයේ සිටින ප්රතිපත්තිමය කමිටු පිහිටුවා ඇති අතර එහි සාමාජිකයන් ලෙස දිස්ත්රික් ලේකම්වරු, ත්රිවිධ හමුදාපතිවරුන්, පොලිස්පතිවරයා පත්කර ඇති බව අමාත්යවරයා මෙහිදී පැවසුවා.
ඒ අනුව අමාත්යවරයා සඳහන් කළේ, මෙම ප්රතිපත්තිමය කමිටු පෝෂණය කිරීම සඳහා ජනාධිපති ලේකම් කාර්යාලය හරහා පාලනය වන සංවිධාන ජාල 05ක් පවතින බවත්, එහි එක් අදියර ලෙස මෙම දිස්ත්රික් කමිටු පිිහටවූ බවයි.
මෙම දිස්ත්රික් මත් විරෝධී කමිටුවේ සභාපතිවරයා ලෙස නිල බලයෙන් පත් වන්නේ පද්ම කුමාර බව මෙහිදී අමාත්යවරයා සඳහන් කරනවා.
