බිත්තර සඳහා පනවා ඇති පාලන මිල ගැසට්ටුව අහෝසි කිරීමට රජය තීරණය කර ඇති වර්ත වනවා.
ඒ අනුව පාලන මිල ගැසට්ටුව අහෝසි කර දිනකට බිත්තර මිලියනයක් ඉන්දියාවෙන් ගෙන්වා වෙළෙඳපොළට නිකුත් කිරීමටයි තීරණය කර ඇත්තේ.
එලෙස ගෙන්වන බිත්තර සුපිරි වෙළෙඳසල් හරහා රුපියල් 35ක මිලකට අලෙවි කිරීමට තීරණය කර තිබෙනවා.
අග්‍රමාත්‍ය ලේකම් අනුර දිසානායක මහතාගේ මූලිකත්වයෙන් පැවැති සාකච්ඡාවකදී මෙම තීරණය ගෙන ඇති බව සඳහන්.
මේ අතර සුපිරි වෙළඳසැල්වල අලෙවියට ඇති බිත්තර තොග වශයෙන් මිලදීගෙන යළිත් වැඩි මිලකට සිල්ලරට අලෙවි කිරීමේ කූඨ ව්‍යාපාරයක් ක්‍රියාත්මක බව ශ්‍රී ලංකා සත්ව නිෂ්පාදකයින්ගේ සංගමයේ සභාපති අජිත් ගුණසේකර මහතා පවසනවා.
මෙම ක්‍රියාව හේතුවෙන් මේ වන විට සුපිරි වෙළඳසැල්වල බිත්තර හිඟයක් මතුව ඇති බව ද ඔහු සදහන් කළා.
අජිත් ගුණසේකර මහතා මේ බව පැවසුවේ අද පැවති මාධ්‍ය හමුවකදී.
