කාන්තා පන්දුවාර 20යි 20 ලෝක කුසලාන ක්රිකට් තරගාවලියේ 17 වැනි තරගය ජයග්රහණය කිරීමට ඊයේ නවසීලන්ත කාන්තා කණ්ඩායම සමත් වුණා.
ඒ ශ්රී ලංකා කාන්තා කණ්ඩායම ලකුණු 102න් පරාජයට පත් කරමිනුයි.
තරගයේ පළමුවෙන් පන්දුවට පහර දුන් නවසීලන්ත කාන්තා කණ්ඩායම නියමිත පන්දුවාර 20 අවසානයේ කඩුලු 3ක් දැවී ලකුණු 163ක් ලබා ගත්තා.
ඒ අනුව ලකුණු 163ක ජයග්රාහී ඉලක්කයක් හඹා යාමට පිටියට පිවිසි ශ්රී ලංකා කාන්තා කන්ඩායමට පන්දුවාර 15යි පන්දු 5ක් අවසානයේ සියලුදෙනා දැවී රුස්කරගත හැකි වූයේ ලකුණු 60ක් පමණයි.
මෙහිදී නායක චමරි අතපත්තු ලකුණු 19ක් සහ මල්ෂා ශෙහානි ලකුණු 10ක් රුස්කළ අතර, අනෙක් කිසිදු ශ්රී ලාංකික ක්රීඩිකාවක් ලකුණු 10 සීමාව හෝ පසුකර යෑමට සමත් වූයේ නැහැ.
