සංචාරක ක්ෂේත්රයේ නියැළෙන ත්රීරෝද රථ රියදුරන්ගේ ආකල්පහා ආචාරධාර්මික බව වැඩිදියුණු කිරීමේ වැඩසටහනක් ආරම්භ කිරීමට ක්ලීන් ශ්රී ලංකා ලේකම් කාර්යාලය පියවර ගෙන තිබෙනවා.
එහි මූලික සාකච්ඡාවක් ඊයේ ක්ලීන් ශ්රී ලංකා ලේකම් කාර්යාලයේදී පැවැත්වුණා.
ඒ අනුව,මෙම වර්ෂය තුළදී දිවයිනේ පළාත් 09ම ආවරණය වන පරිදි කුලී රථ රියදුරන් දසදහසක් පුහුණු කිරීමටයි සැලසුම් කර ඇත්තේ.
ඊට වියදම වශයෙන් රුපියල් මිලියන 25කමුදලක් ඇස්තමේන්තු කර ඇති අතර, එක් පළාතක වැඩසටහන් 10 බැගින් පැවැත්වීමට අපේක්ෂා කරනවා.
මෙහිදී ත්රීරෝද රථ රියදුරන් සඳහා මාර්ග නීති සම්බන්ධයෙන් පුළුල් දැනුමක් ලබා දීම, ත්රීරෝද රථ රියදුරන් තුළ වගකීම් සහගත බව ඇති කිරීම, ප්රවාහන සේවා සැපයීමේදී අනුගමනය කළ යුතු ක්රියාමාර්ග පිළිබඳව දැනුවත් කිරීමට නියමිතයි.
සංචාරකයාගේ අභිමතාර්ථ ඉටුවන අයුරින් සේවා සැපයීම, සංචාරක ත්රීරෝද රථ රියදුරන් සඳහා මෘදුකාංග යෙදවුමක් හඳුන්වා දීම ආදිය මෙන්ම, එයින් සංචාරක කර්මාන්තය ආශ්රිත සේවාවල ගුණාත්මක බව වැඩිදියුණු කිරීමද මෙම ව්යාපෘතියේ අරමුණ බවයි වාර්තා වුනේ.
මීට අමතරව, මිත්රශිලිව හා ගුණාත්මක ලෙස පාරිභෝගික සේවා පවත්වාගෙන යාම සඳහා ත්රීරෝද රථ රියදුරන් තුළ යහපත් ආකල්ප ප්රවර්ධනය, පුද්ගලික සනීපාරක්ෂාව සහ වෘත්තීමයභාවය වැඩි දියුණු කිරීම, තමන ආවරණය කරන ප්රදේශ හා ස්ථාන පිළිබඳ දැනුම වර්ධනය කිරීමද මෙමගින් අපේක්ෂා කෙරෙනවා.
උණුසුම් පුවත්
- බස් පැමිණිලි ඉදිරිපත් කිරීම සදහා වට්ස්ඇප් අංකයක්
- ශ්රී ලංකාව සහ ස්විස්ටලන්තය අතර සංක්රමණ සාකච්ඡා
- ප්රාදේශීය අපනයනකරුවන්ගේ සම්බන්ධතා ගොඩනැගීමේ සමුළුවක්
- නිශාන්ත උළුගේතැන්න මහතා තවදුරටත් රක්ෂිත බන්ධනාගාරයට
- මාලදිවයිනට පිටත්ව යන ශ්රී ලාංකික පුරවැසියන්ට නොමිලේ දින 90ක් සඳහා on-arrival සංචාරක වීසා
- ආන්දෝලනාත්මක රග්බි නිලවරණයට දින නියම වෙයි
- ගෙදරින් එනකොට කුඩයක් අරගෙන එන්න – කාලගුණ අනාවැකි – VEDIO –
- මුතු ඇටය ලෝකයේ සුන්දරම දිවයින වෙයි