ඉන්දියාව සහ කන්කසන්තුරය අතර මගී නැව් සේවාව අද සිට යළි ක්රියාත්මක කරන බව සිව ගංගී නැව් සමාගම නිවේදනය කළා.
පසුගිය වසරේ ආරම්භ වූ මෙම නැව් සේවාව ඔක්තෝම්බර්, නොවැම්බර් සහ දෙසැම්බර් මාසවලදී උතුරු මුහුදු සීමාවට බලපෑ අයහපත් කාලගුණය හේතුවෙන් තාවකාලිකව නවතා දැමීමටයි එම නැව් සමාගම කටයුතු කලේ .
අද දිනයේදී නැවත ඇරඹෙන මෙම මගී නැව් සේවාව සඳහා මගීන්ට ආසන වෙන්කරවා ගැනීම සඳහා සතියකට පෙර අවස්ථාව ලබා දී තිබුණා.
එමෙන්ම ඉන්දියාවේ නාගපට්නම් සිට කන්කසන්තුරය දක්වා ගමන් කිරීමේ ගාස්තුව වශයෙන් රුපියල් 35,000ක මුදලක් අය කරනු ලබනවා.
ඉරිදා දින හැර සතියේ සෙසු සියලුම දිනයන්හි මගී ගමනාගමනය සිදුකිරීමටද බලාපොරොත්තු වන බවයි එම නැව් සමාගම වැඩිදුරටත් සදහන් කළේ.
