ලෝක කුසලාන පාපන්දු තරගාවලියේ අර්ධ අවසන් පූර්ව වටයට සුදුසුකම් ලැබීමට ස්පාඤ්ඤය කණ්ඩායම සමත් වුණා.
ඒ තරගාවලියේ සුපිරි කණ්ඩායම් 16 වටයේ තරගයෙන් පෘතුගාල කණ්ඩායම පරාජයට පත් කරමින්.
පෘතුගාලයෙන් බිහි වූ සුපිරි පාපන්දු ක්රීඩක ක්රිස්ටියානෝ රොනාල්ඩෝගේ අවසන් ලෝක කුසලාන පාපන්දු තරගය මෙය වීම ද විශේෂත්වයක්.
මෙම තරගය අමෙරිකාවේ ඩලස් ක්රීඩාංගණයේදී පැවැත්වුණා.
පළමු අර්ධයේදී දෙපිළම තියුණු තරග රටාවක නිරත වූ අතර එම අර්ධය කිසිඳු ගෝලයක් ලබාගැනීමට පෙර නිමාවුණා.
දෙවැනි අර්ධයේදී ද දෙපිළම ගෝල ලබා ගැනීමට සමත් නොවූ අතර තරගයේ අතිරේක කාලයේදී ස්පාඤ්ඤ ක්රීඩක මිකෙල් මෙරිනෝ විශිෂ්ට ගෝලයක් වාර්තා කිරීමට සමත් වුණා.
ඒ අනුව, තරගය නිමා වුණේ, ගෝල 1 ට බින්දුවක් ලෙස ස්පාඤ්ඤය කණ්ඩායමට ජය හිමි කර ගනිමින්.
ලෝක කුසලාන තරගාවලි 6 කදී ගෝල ලබා ගත් එකම ක්රීඩකයා වන කිස්ටියානෝ රොනාල්ඩෝ තමාගේ අවසන් ලෝක කුසලාන තරඟාවලිය මෙය වන බව, මෙම තරගයට පෙර නිවේදනය කර තිබුණා.
ඒ අනුව රොනල්ඩෝ, බැලන්ඩෝර් සම්මාන 5 ක්, චැම්පියන්ස් ලීග් කුසලාන 5 ක් සහ 2016 යුරෝ කුසලානය දිනා ඇති අතර, ගෝල 976 ක් ලබා ගනිමින් ලෝක වාර්තාවක් පිහිටුවා තිබෙනවා.
