ශ්රී ලංකාවේ සංවර්ධන ක්රියාවලියට ආසියානු සංවර්ධන බැංකුවේ අඛණ්ඩ සහය ලබාදෙන බව එහි නව දේශීය අධ්යක්ෂ ෂැනන් කව්ලින් මහත්මිය පවසනවා.
ආසියානු සංවර්ධන බැංකුවේ මෙරට නව අධ්යක්ෂවරිය වන කව්ලින් මහත්මිය ඊයේ පස්වරුවේ ජනාධිපති අනුර කුමාර දිසානායක මහතා හමු වූ අවස්ථාවේදී මේ බව පවසා තිබෙනවා.
මේ සම්බන්ධයෙන් නිවේදනයක් නිකුත් කරමින් ජනාධිපති මාධ්ය අංශය සඳහන් කළේ, වසර ගණනාවක් පුරා ගොඩනඟා ගත් ශක්තිමත් හවුල්කාරිත්වය තවදුරටත් පුළුල් කර ගැනීමට ඇය අපේක්ෂා කරන බවයි.
නව අධ්යක්ෂවරිය නිල වශයෙන් ජනාධිපතිවරයාට හඳුන්වා දීම ආසියානු සංවර්ධන බැංකුවේ කලාපීය අධ්යක්ෂවරයා විසින් සිදු කෙරුණා.
ආසියානු සංවර්ධන බැංකු ආධාර යටතේ මෙරට ක්රියාත්මක වැඩසටහන් ශ්රී ලංකාව විසින් ක්රියාත්මක කර ඇති ආකාරය සහ එහි ඵලදායිතාව නියෝජිත පිරිසගේ පැසසුමට ලක් වූ බවයි ජනාධිපති මාධ්ය අංශය වැඩිදුරටත් සදහන් කළේ.
