ඉන්දීය ප්රිමියර් ලීග් තරගාවලියේ ඊයේ පැවති තරගවලින් ජය හිමිකරගන්නට චෙන්නායි සුපර් කින්ග්ස් සහ රාජස්ථාන් රෝයල්ස් කණ්ඩායම් සමත් වුණා.
චෙන්නායි කණ්ඩායම මුම්බායි ඉන්දියන් කණ්ඩායමට එරෙහිව කඩුලු 7ක ජයක් ලබා ගත්තා.
තරගයේ පළමුවෙන් පන්දුවට පහරදුන් මුම්බායි කණ්ඩායම නියමිත පන්දුවාර 20 තුළ කඩුලු 08ක් දැවී ලකුණු 157ක් රැස් කළා.
ඊට පිළිතුරු ලෙස චෙන්නායි කණ්ඩායම පන්දුවාර 18 යි එක් පන්දුවක් අවසානයේ කඩුලු 3ක් පමණක් දැවී ලකුණු 159 ලබා තරගය ජය ගත්තා.
අනෙක් තරගය පැවැත්වුණේ රාජස්ථාන් රෝයල්ස් කණ්ඩායම සහ දිල්ලි කැපිටල්ස් කණ්ඩායම අතරයි.
එහිදී රාජස්ථාන් කණ්ඩායම ලකුණු 57ක ජයක් හිමිකර ගත්තා.
පළමුවෙන් පන්දුවට පහරදුන් රාජස්ථාන් රෝයල්ස් කණ්ඩායම පන්දුවාර 20 තුළ කඩුලු 4ක් දැවී ලකුණු 199ක් රැස් කළා.
දිල්ලි කණ්ඩායමට පන්දුවාර 20 අවසානයේ කඩුලු 9ක් දැවී රැස් කර ගැනීමට හැකිවුණේ ලකුණු 142ක් පමණයි.
මේ අතර ඉන්දිය ප්රිමියර් ලීග් තරගාවලියේ තවත් තරග දෙකක් අද පැවැත්වෙනවා.
පළමු තරගය පැවැත්වෙන්නේ ගුජරාට් ටයිටන්ස් සහ කොල්කටා නයිට් රයිඩර්ස් අතරයි.
දෙවන තරගය සන්රයිසස් හයිද්රාබාද් සහ පන්ජාබ් කිග්න්ස් කණ්ඩායම අතර පැවැත්වීමට නියමිතයි.
