රජයේ ආයතනවලට සේවකයන් බඳවා ගැනීම මුදල් අමාත්‍යංශය විසින් අත්හිටුවා තිබියදී ප්‍රධාන පෙළේ අමාත්‍යංශයකට අයත් අධිකාරියකට ආරක්ෂකයන් හා රියැදුරටන් විශාල පිරිසක් බඳවා ගැනිමේ සූදානමක් පවතින බවට වාර්තා වනවා.
එලෙස බඳවා ගනු ලබන සේවකයන් අතරට නම් දෙක බැගින් එවන ලෙස අදාළ අධිකාරිය අයත් අමාත්‍යංශය ආණ්ඩුවේ මැති ඇමැතිවරුන්ට දැනුම්දී ඇතැයිද වාර්තා වනවා.
එම අධිකාරියේ දැනටද ඉතා විශාල සේවක පිරිසක් අතිරික්තව සිටින බවද දැනගන්න තිබෙනවා.
එලෙස තිබියදීත් මේ අයුරින් නවක සේවකයන් බඳවා ගැනීම බරපතල ගැටලුවක් බවයි එම ආයතනයේ සේවකයන්ද පවසන්නේ.
රට මුහුණදී ඇති බරපතල ආර්ථික අර්බුදය හමුවේ අමාත්‍යංශ හා දෙපාර්තමේන්තු ඇතුළු රාජ්‍ය ආයතනවල වියදම් දැඩිලෙස සීමා කිරීමකට ලක් කර තිබියදී නවක සේවකයන් බඳවා ගැනීම්ද මුදල් අමාත්‍යංශය විසින් අත්හිටුවා තිබෙනවා.
Source : ලංකාදීප
