දික්ඔය මූලික රෝහලේ මෘත ශරීරාගාරයේ පශ්චාත් මරණ පරීක්ෂණය සඳහා තැන්පත් කර තිබූ කාන්තා මළ සිරුරක් රෝහල් සේවකයින් තිදෙනෙක් විසින් ඉකුත් 23 වන දින දූෂණය කළේ යැයි කියන සිද්ධිය සම්බන්ධයෙන් රෝහලේ ත්රිපුද්ගල කමිටුව විසින් සිදුකරනු ලබන විමර්ශන කටයුතු සම්බන්ධයෙන් සෑහීමකට පත්විය නොහැකි බව ලංකා කම්කරු කොංග්රසය ඊයේ(04) හැටන් නගරයේදී මාධ්ය හමුවක් පවත්වමින් කියා සිටියා.
ලංකා කම්කරු කොංග්රසයේ උප සභාපති කනපති කනගරාජ් මහතා සහ හැටන් දික්ඔය නගර සභාවේ උප සභාපති(ලකකො) පෙරුමාල් සුරේන්ද්රන් යන මහත්වරුන් මෙම මාධ්ය හමුවට එක්වී සිටියා.
මෙම මාධ්ය හමුවේදී අදහස් දැක්වූ පෙරුමාල් සුරේන්ද්රන් මහතා කියා සිටියේ එම සැකකරුවන් තිදෙනා අවස්ථා දෙකකදී එදින රාත්රී මෘත ශරීරාගාරයට ගිය බවට සාක්ෂි ලැබී ඇති බවයි.
ඉන් එක් අවස්ථාවක් රාත්රී 9-10ත් අතර කාලයේදී ගොස් ඇති බවත්, එහිදී එම සැකකරුවන් තිදෙනා විනාඩි කිහිපයක් මෘත ශරීරාගාරය තුළට ගොස් ආපසු පැමිණෙ දර්ශන පමනක් පදනම් කරගෙන සිද්ධිය සම්බන්ධයෙන් විමර්ශන කටයුතු සිදුකරන ත්රිපුද්ගල කමිටුව සිදුකරන බවත් එම විමර්ශන කටයුතු සිදුකරනු ලබන්නේ රෝහලේ සේවකයින් තිදෙනා රැකගැනීමට බවයි පෙරුමාල් සුරේන්ද්රන් මහතා කියා සිටියේ.
එම සේවකයින් තිදෙනා යළිත් 24 වන දින අලුයම 1ට පමණ මෘත ශරීරාගාරයට ගොස් පැයකට ආසන්න කාලයක් විවිධ ඉරියව්වලින් එහි රැඳී සිට මෘත ශරීරාගාරය තුළ හැසිරෙන ආකාරය මෘත ශරීරාගාරයේ සවිකර ඇති ආරක්ෂිත කැමරා දර්ශනවල සටහන් වී ඇති බවත් එම දර්ශන රෝහල් කාර්ය මණ්ඩලයේ මෙම සිද්ධියට විරෝධය දක්වන සේවකයින් විසින් දැක ඇති බවට තමන් වෙත තොරතුරු ලබාදී ඇති බවයි උප සභාපති(ලකකො) පෙරුමාල් සුරේන්ද්රන් මහතා කියා සිටියේ.
රෝහලේ සී.සී.ටී.වී. කැමරා දර්ශන ස්වයංක්රීයව මැකීයාමට ප්රථම සිද්ධිය සම්බන්ධයෙන් සෞඛ්ය අමාත්යංශය මට්ටමින් විමර්ශනයක් සිදුකළ යුතු බවයි පෙරුමාල් සුරේන්ද්රන් මහතා කියා සිටියේ.
මෙම මාධ්ය හමුවට එක්වූ ලංකා කම්කරු කොංග්රසයේ උප සබාපති කනපති කලගරාජ් මහතා කියා සිටියේ මෙය සාමාන්ය සිදුවීමක් ලෙස සැලකිය නොහැකි බවත් සමස්ත වතුකරයේම ජනතාවට බලපාන ගැටලුවක් නිසා මෙම සිද්ධියට සාධාරණ විසඳුමක් ලැබෙන තෙක් සිද්ධිය සම්බන්ධයෙන් අඛණ්ඩව උද්ඝෝණ සිදු කරන බවයි කනපති කනගරාජ් මහතා කියා සිටියේ.
තවද රෝහල් පරිපාලනයේ පවතින අවිධිම් සහ දුර්වල පාලනය හමුවේ මෙවැනි සිදුවීම් දික්ඔය මූලික රෝහල තුළ සිදුවී ඇති බවත් මෙය පළමුවන සිදුවීම නොවන බවත් මෙවැනි සිදුවීම් ගණනාවක් රෝහල තුළ සිදුව ඇති බවට තමන් වෙත තොරතුරු ලැබී ඇති බවත් එම සිද්ධීන් රෝහලේ පාලනාධිකාරිය මගින් වසන් කර ඇති බවයි කනපති කනජරාජ් මහතා වැඩිදුරටත් පවසන්නේ.
